تباريـح أنفـاس الشـمعــة

تباريـح أنفـاس الشـمعــة

الشمعة اتحرقت خالص
ودموعها نشفت على سطرك
ومشاعرك ساحت
أيامك على قدك
وملامحك باهتة
مخطوفة بأيادي الخوف
والشوف
في مساحة الرؤية
متمركز في البؤر الغايبة
لحكايا الجدة المنسية
الشاطر وحصانه الأبيض
ونهاية لبداية النوم
مرسوم في القلب الشاطر
مغلوب في السكة الشوف
يتكعـبل في حبال مشدودة
ما بين الأبراج الخاينة
ومنارة الكدب الموصوم
متاريس جوه الأنفاس
والصدر يحشرج مكتوم
من منعه لزيارة الفجر
متاريس حتى الكراريس
مرسومة مشانق للبوح
مجروح
يسقط يتساقط
في البير الساقعة 0 يتقلب
ولا لاقى مايه ولا قاع
محتاج لك 0 خليكى معاه
اتسلى بربيعه النابت
واتملى دفئك من صبره
اتغـطى بورقة أحلامه
من جسده عبي أوهامك
أملاكك 0 كرمه في شرايينه
والقلب ده معـطوب( م )الحزن
على أرض خريفه فارقيه
وبإيده خنقي عصافيره
وأرميهم بحروفه الناشفة
فوق شجره العريان الواقف
في ميدان الممنوع (م )النصر
*********
مغـلوب مستسلم 0 واضح
من صورتك في جدار الواقع
وحنانك لوجودك باهت
بيمطر(ع) الكل وسابب
في كيانك بقعة منسية
مليانة من دم الحلم اللي دفنته
في أماني غابت واحتضرت
فوق إيد اليأس
و(ف) كونك انت المكتوب
شمعاية عايمة في الريح
وهى قايدة ضد التيار
فوق ايدك تعـطى وتدوب
وبتمسح الدمع بروحك
مسكون بدنك 0 تباريح
لو تحزن 0احزن واتألم
وصراخك يرجع جواك
يدميك 0 يحبس أنفاسك
يشعـلها
تنور أفكارك
أحرقها تانى هتنور
السكة وكيانك يضوى