فرسان الفجر
أيها الفارس يامن حللت بين أهلك وعشيرتك في دار فرسان الفجر العربي مرحبا بك في دارك عضوا يضفي بمساهماته بريقا يتلألأ في ضوء الفجر

انضم إلى المنتدى ، فالأمر سريع وسهل

فرسان الفجر
أيها الفارس يامن حللت بين أهلك وعشيرتك في دار فرسان الفجر العربي مرحبا بك في دارك عضوا يضفي بمساهماته بريقا يتلألأ في ضوء الفجر
فرسان الفجر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» الحلو متكبر للشاعر نادر الأسيوطي
ربــاعيـــات ( الشاعـر علاء البلتاجـي ) I_icon_minitimeالإثنين 25 يناير 2016, 3:01 pm من طرف الشاعر نادر الأسيوطي

» ديوانُ شعري أنوارٌ بمشكاة
ربــاعيـــات ( الشاعـر علاء البلتاجـي ) I_icon_minitimeالسبت 07 نوفمبر 2015, 8:43 pm من طرف زاهية بنت البحر

» شاكر بوعلاقي اعود الى ماضينا
ربــاعيـــات ( الشاعـر علاء البلتاجـي ) I_icon_minitimeالأربعاء 28 أكتوبر 2015, 4:20 pm من طرف خوري ليليا

» غرف نوم وغرف اطفال ومطابخ وانتيكات
ربــاعيـــات ( الشاعـر علاء البلتاجـي ) I_icon_minitimeالإثنين 29 ديسمبر 2014, 9:45 am من طرف احمد عطية

» راجعين نادر الأسيوطي
ربــاعيـــات ( الشاعـر علاء البلتاجـي ) I_icon_minitimeالثلاثاء 18 مارس 2014, 4:57 pm من طرف الشاعر نادر الأسيوطي

» البوم صور شاكر بوعلاقي
ربــاعيـــات ( الشاعـر علاء البلتاجـي ) I_icon_minitimeالثلاثاء 04 مارس 2014, 6:00 pm من طرف شاكر بوعلاقي

» محكمة
ربــاعيـــات ( الشاعـر علاء البلتاجـي ) I_icon_minitimeالخميس 13 فبراير 2014, 6:21 pm من طرف الشاعر نادر الأسيوطي

» صلوا علي الحبيب المصطفي
ربــاعيـــات ( الشاعـر علاء البلتاجـي ) I_icon_minitimeالخميس 26 ديسمبر 2013, 7:08 pm من طرف انا فيروز

» بشـــــــــــــــــــرى لكـــــــل ربــه منزل وسيده
ربــاعيـــات ( الشاعـر علاء البلتاجـي ) I_icon_minitimeالإثنين 02 ديسمبر 2013, 8:48 pm من طرف انا فيروز

» دقــــــــولــــهــــا الــــهــــون
ربــاعيـــات ( الشاعـر علاء البلتاجـي ) I_icon_minitimeالخميس 09 أغسطس 2012, 8:23 pm من طرف عامر عبدالسلام

التبادل الاعلاني

ربــاعيـــات ( الشاعـر علاء البلتاجـي )

2 مشترك

اذهب الى الأسفل

ربــاعيـــات ( الشاعـر علاء البلتاجـي ) Empty ربــاعيـــات ( الشاعـر علاء البلتاجـي )

مُساهمة من طرف علاء البلتاجي السبت 27 أغسطس 2011, 7:40 am



بسم الله الرحمن الرحيــم
علي نهج الراحل العظيــم
فيلسـوف ولاد البلد ( صلاح جاهين )
مع كل الفرق بيني و بينه طبعاااااا



شـعوري ليك يا عـمنا هالخصه فـي حرفيــن
ال(ح) وبعــدها (ب) ورا بـعض متصلــين
وبجد صادقة مشاعــري من قلبي وبأحســـاس
ياعم كـل النـاس يا صلاح يا ابن جــاهيــن



********

(الجزء الأول)



(1)

في قطه قابلت كلب و بالحب اتوصلوا
ولما شافت قط سابو بعض وانفصلوا
و لأنه طبعا كلب ماكرهش قد ما حب
والقطة بان طبعها و الكلب بان اصله

عجبي



(2)

غمت عينيا سحابة في الدنيا بتخبط
والقرد عاش في الغابة فرحان بيتنطط
أتاري ان الغابة مافيهاش وحوش وديابة
دول طيبين و غلابة وانا كنت متلخبط

عجبي



(3)

أرفعي يا نعامة راسك بلاش خجـل وكســوف
واجهي عيون ناسك و كفاية جــبن وخــوف
مايهزكيش ريحك دي البـــركة من ريشــك
و الـكل داق كاسـك و الـكل عنـده ظـروف

عجبي


(4)

بطل و مجــرم حرب و أبنـه خرب مالطـة
وحطوا وش الشـعـب في مــدفع الشرطـة
قـال له تمام يا جــمال كده كله عال العال
أسبقني بالأمــوال و انا جــاي بالشـنطـة

عجبي



(5)

بايـــن عليـه مـجـنـون و دماغه مـلحوسة
مخلفـات فرعــون أزاي يكــون موســي
الرشــوه ف الفــيزا وخـاربها في الجـيــزة
فيـنـك يابو حـفيـظة تـديـله كام بــوسـة

عجبي


(6)

نسناس بيــأكل مـوز فرحان و زاد لـعبه
وأنسـان بياكـل لوز أكـل وراه صابــعه
و حاجـه غريبة بشكل بعد أما خلـص الأكل
واحد شبـع من المـوز و التانـي زاد فجعـه

عجبي


(7)

ليجزاس هنـاك في أشارة شكمانها جاب دخان
والناس هنا في الحارة جالها في صدورها جنان
مش حقـد لا من الهم و الكحهة طلعه بــدم
ومرضها زاد بالشـم و الشـرب و الأدمان

عجبي



(Cool

انا وحيــد فـي دنيتي و ع الوحده متـعـود
ولـما بـــخرج منــها الدنيا تتسـود
ف الأحسن ابقي وحيــد لو عايز ابقي سعيـد
لأن وســـط النــاس الوحــده تتـزود

عجبي




(9)

معلش بقي يا جماعـه في حكايه وجعانـي
خلوا الشرف ولاعه وبيولعوها تانـــي
أستوردوا أجزاء قطع غيـار و غشــاء
بقي هـي دي الأخلاق الستر علي الجانـي

عجبي




(10)

مريض بمرض النفس عنده أضطراب وجدان
مع أنه كان بالأمس سليم و مش عيــان
كل الكلام بيعيده و مفيش علاج هـيفيده
لأنه علي أيـــده خلصت حياه أنسان

عجبي

(11)

الدش فوق السطح بيدور يمين و شمــال
علشان يوري الكل أنه بصحيح شغـال
سبب الصداع والوش و برامجه كلها غش
و الناس تخـاف و تكش علشان تربي عيال

عجبي

(12)

طبعك غريب و عجيب يا مذكر الأنسان
في سبع لما يخيب بيركبوه النسوان...!!!
يقل من هيبتـه و يتاطــي من خيـبته
ومقدرش أوضح عيب ليزعلوا الخرفـان

عجبي

(13)

تعبت من التفكيــر في الدنيا و العيشه
عقلي خلاص هيطير بقي أخف من الريـشه
شغال كتير و أحتـار و تاعبني ليل و نهار
و ياريته كان بزرار أو كوبس أو فيشه

عجبي



(14)

سألوني ايه بيعجبك ع الارض او فى الكــون
اناقولت أحب الورد علي كل شكل و لــون
و لأني كــنت صريح قالوا لي لا بصحيــح
طلعت حتة شاب اهـبل عبــيط مــجنـون

عجبي




(15)

الحزن زي الرمح ضرب قلبي علي سهوه
ف أخدت بعضي الصبح و قعدت علي القهوه
طلبت قهوه و شاي و سئلت ليه و أزاي..؟
الفرح قال مش جاي و رد ليه الدعوه..!

عجبي


(16)
طبعا فراق الضنا شئ صعب ع الانسان
دوقـت مرارتـه انــا وقتلنــي مـرة زمـان
و عوضي كان بنتي روح قلبي و حبيبتـي
يا هل ترا..؟ هـ شوفها بالطرحة و الفستان

عجبي


(17)

خد مني حكمه بسيطه و جربهـــا لو حبيت
هات عقربتين علي الحيطه مع حرمتين في البيت
ما بين خنــاق و هزار ديمـا تعيش في مرار
و يهدوا فوقك الدار و فوق أللي كانوا علي الحيط

عجبي


(18)

من فوق نيران الظلم أحلامنا تتبخــر
و الظلــم لما يعم في ناس بتتسخــر
و الظلم علي ودنه و نايم علي ودنــه
يا هل ترا في سجنــه دلوقتي بيشخـر

عجبي

(19)

بنده عليكي كتير موصلكيش صوتــي..؟
لا يعني كنت هـ طير ولا كنتي هـ تموتي
سيبتيني وقت الجد و قت أما حيلي أتهد
قــادر أللي خلق الأرض ينقذني من حوتي

عجبي

(20)

يا كمنـجة ليــل ونــهار بتبكي وتسحي
قطعتي ليه الاوتار في بكاكي علي جرحـــي
بكره تقولي ياريت ما حزنت يوم و بكيــت
ده أنا نفسي كنت نسيت ما تنسي و تسامحي

عجبي

(21)

عصفورة حـبـت تعـلب فشـدها لـفخـه
وأكلهـا لحــم و دم وقلبهــا شرخـــه
و التـعـلب المكــار طـلـع كمان جـبـار
مصمصها جلد و عضم و الريش كمان سلخه

عجبي


(22)
ياديب بتاكل فريستك و هي كـانت حيــة
يا هل تري ب غـريزتك الرحمة ممحية.....؟
قلبك غريب و عجيب أزاي مافوهش حبيب..!!
ف رد قـــالي الديــب لدعتني فيه الحيـة

عجبي


(23)

ايه يعني هبقي وحيد ما بخفش و أتهدد
لا انا يعني هنقص أيد ولا أيــد هتتذود
لو فاكره و انتي بعيد هرجع بلوي الأيد
مخك ده راح لبعيد ما انا قولت متعود

عجبي



(24)

لوحد عنده جنيه بيسوي بيه الأهوال
و اللي يشيل كارنيه بينحني له رجال
ضمايـرنا متباعـة و الفـقـر شماعة
بالزمة يا جماعة ده اسمه كلام يتقــال

عجبي

(25)

بتطلبي رجوعك و تقولي عفو سمـــاح
لا وقفي دموعك المكياج في وشك ساح
أخلاقي مش سامحه غير أني اقول بجحه
بدموع عيون واقحه و كمان دموع تمساح

عجبي


(26)

واحد وشاف بعينيه غـزالـة كانت شـارده
شال الجبل بأيـديـه و من تحته جـاب ورده
و أستـني رد جــميـل قالت له ده انت بخيل
جدع عريض و طويل و ماجبش غير واحدة

عجبي

(27)
من أجل نزواتي باضحي بضحايا
وبادوس بشهواتي علي قلبي وصبايا
ونسيت معاد أجلي و دوست علي مهلي
بقلبي و برجلي و غرزت في خطايــــا

عجبي

(28)

عجبي علي ده زمن و منه كان عجبي
عايش وبدفع ثمن ذنوب ماهيش ذنبي
جــراح بعيدها و سنين بقضيــها
وعينيا في عينيها وبتعدي من جنبي

عجبي

(29)

الفيلم ده كوميدي و جو قديم و رخيص
و انا بردو مش هندي ولا واد و عيل سيس
اسطوانة مشروخة و قديمه و منسوخــــه
بالكدب منفوخة و بتقولي جاي لي عريس


عجبي


(30)

عيل يا دوب بلية شايل في جيبه سلاح
و كأنها ماديلية او سلسلة مفتـــاح
فاكرهـا قصافـة و واخدهــا بلطافة
والشرطة شفافة بعد ما كانوا أشـباح

عجبي



(31)
لما انت وحش الشاشه و شريف و شاب تمام...!
طب خوفت ليه من الباشا و دفعت رشوه حرام..؟
في الشرطه ناس عــوره و أتفضحوا في مناوره
و انا كنت في الثــوره و كنت انت في الحمام

عجبي



(32)

ماشي و بلف الكون علي رجلي بتمشي
فرحـان سعيـد ممنـون و بدقه بتـعشي
بتناسي أني حزين سديت وداني الأتنين
خليتها طيـن و عجيـن وبصدر الطرشة

عجبي



(33)

ما أطلعش نمرة أتنين و بقـــولها و أتحدي
و بقــولها للأتنين في حــدود ما تتعدي
مبصوم لي بالعشرة واد عشرة على عشـرة
ضرباتي حرة مباشرة مش هجمة مرتــدة

عجبي


(34)

الصـحـة رايحة بـلاش و العمر بيعـدي
ويدمر الخشخاش ف مخي و في كـبـدي
و فصوص كلاوي تدوب و باقول قدر مكتوب
و ازاي اكون مغصوب و انا مشتريه بيدي


عجبي



(35)

قال يعني كده موضه و شياكه وسط الناس
دي عمايلكم السوده بتجرح الأحسـاس
بنات بتستعبـط و رجاله فيهـا نتلخبـط
ببنطلون متسقط و يصدرولنا لبــــاس

عجبي



(36)

ما فرحت مرة في حد و انا غالبه في الأخر
وكلامي فعلا جد مش كـدب ولا ساخر
ف سكوت قـافل بوئي رجع حـلال حقي
ولا جيبت ولا أنقي خيــار من الفاخـر

عجبي



(37)

عصيتي طوعي كان ردي جــاهـز
تكسير ضلوعــي بنا الحواجــز
لا انا فيـا علة ولا مــاسكه ذلة
ولا أقبل رجوعي لو حتي عـاجـز

عجبي



(38)

حريم كده بلاستيك و رجال تجيب أحباط
الذمة فيها أستك أما الضـمير مطـــاط
السوسه و الوسواس مابيعرفوش أحســاس
و عايشين في وسط الناس البومة و الوطــاط

عجبي


(39)
بالكدب و التزوير بقي نـجـم جيــل ياشباب
و يشهد التحرير علي الجـزمه و القبـقــاب
ياعم نجم الجيل في نجـــــوم ما ليها مثيـل
والكينـج أسمه منـير و الهضبه عمرو ديـــاب

عجبي




(40)
يا بحر زاد جرحك في صاحبك البحـــــار
ليه ساقتني من ملحك و انا حلقـي كله مـرار
الـغـدر فيك عـاده و القسـوه مـعـتـاده
و ملحـك مـراره زيــاده عن علقم الصبار

عجبي

 

(41)

الشعب له طلبات مش غاوي ف الأضراب
ولا حب في اعتصامات ولكل شئ اسباب
الثوره كانت سلمية و التانية دي عكسية
من حزب من الحرامية علي شعب كح تراب

عجبي




(42)

عملت فيها عيان بالمكر و التخطيط
ده السجن للجدعان و مسيره ليك ياحويط
عملت فار يا جبان ما لكل وقت أذان
ثعبان عمل تعبان وفاكرنا شعب عبيط

عجبي



(43)

بفلوسنا يلعب لعب و بعملة صعبة دولار
ده العد فيهم صعب معرفش كام مليار
معقول حرامي و لص ده عنده عزة نفس
ده حر ماله او ورث مع انه كان طيار

عجبي




(44)

شجـره و فروعها ف سمــــا عاليــة
طرحت أمــــل بس الامــــال غالية
و منين أجيب المــال و انا فقيـر الحــال
و الفقر هد جبال حتي الجبال يافقر مش خالية


عجبي


(45)

ف البحر كنت بعوم و القرش حواليا
أمل النجاه معدوم و مفيش معديـه
و مره وحده بقوم أتاريه كبوس محلوم
نوم العصاري ده نوم كوابيسه اصليـه

عجبي



(46)

أرجع لصومعة يا برادعي مفيش مكان
بلجام و بردعة متساق من الأمريكان
يا عالم ف النفاق و مغرق العراق
هيرشحوا علاء أقله انا مش جبان

عجبي



(47)

لأي زوج او زوجه ف الدنيا مبتدئين
حتعدلوا المعوجه لو كنتوا متفـاهمين
مركب و لها ريس و التاني بيشاوره
و أن فضلوا يتحوروا هيغرقوا الأتنين

عجبي



(48)


حتكسب أيه من الدنيا يالي جمعت المـال
من غربه لتانيه و تقول ده رزق حـلال
فاكر النهايه سعيده يا وحيد ف تنهيـده
وسيبت ست وحيده و يتمت بدري عيال


عجبي


(49)

سرحان ف أحوالي و أيديا علي خـدي
مـع أن ما جرالي لا بأمري ولا يـدي
هيفيد بأيه التفكـير لا هو حل ولا تغير
ما انا ليا رب كبير و بأذنه بكره هعدي


عجبي



(50)

معلش أصلي صريح و أللي حصل مش سهل
و أللي كلامه أبيح ما يقولش أدبي ده جهـل
الشعر لو في الجنس يبقي كلام للهلــس
و دي ناس ضعيفه النفس و بردو الغلط علي الأهل

عجبي

علاء البلتاجي

الجنس : ذكر
عدد الرسائل : 2
العمر : 40
العمل : مصري
الهواية : مسلم
الأوسمة الأوسمة : 30
نقاط : 9210
تاريخ التسجيل : 22/08/2011

الرجوع الى أعلى الصفحة اذهب الى الأسفل

ربــاعيـــات ( الشاعـر علاء البلتاجـي ) Empty رد: ربــاعيـــات ( الشاعـر علاء البلتاجـي )

مُساهمة من طرف الدكتور بيومي الشيمي السبت 19 نوفمبر 2011, 8:32 pm

رباعيات جميلة بالفعل
أتمنى التوفيق لك ونراك في شهرة الراحل صلاح جاهين
الدكتور بيومي الشيمي
الدكتور بيومي الشيمي

الجنس : ذكر
عدد الرسائل : 1356
العمر : 72
العمل : الشعر الفصيح - النقد الأدبي
الأوسمة الأوسمة : 4
نقاط : 11945
تاريخ التسجيل : 09/03/2008

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى