كركر الكروان

النونة نونة صغننـــــة الأوأو أوأة مســــــــكرة
قاعد فحتة مــــــدورة و هيعمل ايه يا هلتــري
اهو جالة عم بعجـــرة ابو جلابية منــــــــــــأرة
شايل معاه قفص كبيـر جواه الكركور الصغيــــر
لكنه مش قادر يطيــــر ولا بيزقزق بعبيـــــــــــر
شكله يا عيني حزيـن مهموم علشان سجيــــن
يدعي رب العالميــن من شر الظالميــــــــــــــــن
بسرعة فكر الكركور و معاه النونة الأمـــــــــور
ازاي يخلوا بعـــجور ينام و دماغه تــــــــــــدور
وانـفتح الباب المقفول و طار كركور علي طـــول
فرحان يغني يقـــول ...

كركر جه يلا قوم و نــــــــــــــــــادي
علي الباب الكبير افتح يا بــــــــادي
يا بتاع الحكاوي الي بتلالــــــــــــــي
علي الشجرة فوق العلالــــــــــــــــي
ساكن فيها كركر ابو ديل طويــــــــل
يغني و يلعلع بصوته الجميــــــــــــل
يعزف احلي النغمــــــــــــــــــــــــــات
كأنه رق بشخـــــــــــــــــــــــــــلالات


طاير طاير كركور علطول فرحان يغنى يقــول
عمو السكرة ابو قلب مخلص واميــــــــــــــــــن
صاحب الليلة الكبيرة والعيال الصغيريـــــــــــن
يكتب احلى الكلمات مرسومة قصص وحكايـات
تلف تدور تلاقيك عايش جوة روايـــــــــــــــات
مكركر فرحان تتندن مشاعرك تقول اشعــــــار
تضرب بايدك على الوترتلحن تقولش موسيقار

طاير طاير كركور علي طول فرحان يغني يقـــــــــــول
الشيخ حبيبنا المزيكاتــــــي و حكايته مع المسحراتي
كان يحكي الحـــــــــــــكاوي ملـــيانة حب و غنــــــاوي
بيلف يمشي يــــــــــــــــدور معانا طول شهر الـــــــنور
طبلته ترن بســـــــــــــــرور تصــــحي كل الــــــــــــدور
تصحصح كل صايــــــــــــم لاجل ما يوحــــــــــد الدايم
و يبقي بكرة دايــــــــــــــم هو اللي دايــــــــــــــــــــــم


طاير طاير كركور علي طول فرحان يغني يقــــــــول
ع الراجل ابو طرطــــــــــور طرطوره مايل شحرور
اراجوز غلباوي اصيـــــــــل و نص لسانـــــــــــه دليل
معاه شحرورته بــــــــــــدور بشخاليل داير ميـــــــدور
خلت السكر مـــــــــــــــبدور طارح شكل و ســـــــرور
تلف و ترقص بصاجــــــات شعرها منكوش بفيونكــات
غاوية معاه خناقـــــــــــــات كمان شناكل و مقصـــــات

طاير طاير كركور علي طول فرحان يغني يقــــــــــــول
ابلتنا الجميلـــــــــــــــــــــــة و حواديتها الفضــــــــــيلة
علي الشاطر حســـــــــــــن و ست الحسن الجمـــــيلة
و كمان عقلة الصبـــــــــاع و عروسة البحر العجـــيبة
الف ليلة ليلاتـــــــــــــــــي و كمان بتزيد ليــــــــــــــلة
من علي بابــــــــــــــــــــــا لجحا و حماره ماشيــــــين
بساط طاير بالعقـــــــــــــل يفتح خياله طايريـــــــــــــن
علي فكرة فحدوتــــــــــــة ملتوتــــة صاحيـــــــــــــــين

طاير طاير كركور علي طول فرحـــــــــــان يغني يقول
كركر برشيدة و بكـــــــــــــار صديقنا صاحب الافكــــــار
يحكولنا فرحانـــــــــــــــــــين رواية لفت عليها سنيــــن
فيها تاريخ الأجــــــــــــــــداد و مصر ام الامجــــــــــــاد
و نيل فعروقنا ماشـــــــــــــي راوي مدور سواقـــــــــــي
لمة معاها الاصحــــــــــــــاب و فاتحـــــــــــــة كل الأبواب
علي حب الخيـــــــــــــــــــــر يرفرف يهفهف يطيــــــــــــر
بطاقية كلها اهرامـــــــــــات مربعات مثلثات و مدرجــات


طاير طاير كركور علي طـول فرحان يغني يقــــــــــــــــــــول
عصفورنا الواد بوجـــــــــــي بيضرب ببقة بروجــــــــــــــــي
طمطم جنبه توعــــــــــــــــيه بالحان تقولش الموجـــــــــــــي
ولاد و كبار حواليــــــــــــــــهم مبسوطين قال و مظأططيـــــــــن
بصنية كنافة و اطباق قمر الدين و قطايف ناكلها و هي لسة عجين
محشية بالمعاني و كل شئ ثمين نكتر فيها تزالط تبقي تخيـــــــــن

أخويا وحبيبى الدكتور عادل تركى
أيه يا عم الحلاوة دى والجمال فى الإبداع ده دا إنت شاعر أطفال ماحصلتش
يا عسول