مائة مثل شعبى

من طرف hussein الأربعاء 30 أبريل 2008, 11:40 pm

[size=21]مائة مثل شعبي

1-الإبرة إللى فيها خيطين ماتخيطش
تعليق / المثل قريب من المركب اللى فيها ريسين تغرق
2- إرميه البحر يطلع فى بقه سمكة
3-إللى عاوز تحيره خيره
4- إللى قرصه الثعبان يخاف من الحبل
5-إللى يربط فى رقبته حبل ألف من يسحبه ( يجره )
6- إدينى عمر وارمينى البحر
7- إش ياخد الريح.ن البلاط
8- إللى على راسه بطحة يحسس عليها
9- ابعد عن الشر وغنى له
10- الكتكوت الفصيح من البيضة يصيح
11- إللى حبه ربه واختاره جاب له حاجته لعند داره
12- قيراط ملك ولا فدان شرك
13- قال يا جحا فين بلدك قال إللى فيها مراتى ومفيهاش حماتى
14- إمشى عدل يحتار عدوك فيك وإمشى عوج يحتار صديقك فيك
15- مش كل مرة تسلم الجرة
16- لف سنة ولا تخطى قنا
17- يخاف من الخنفسة ويلعب بالثعبان
18- كل ما يعجبك والبس ما يعجب الناس
19- يادى الشيلة يادى الحطة روحت على جمل وجيت على قطة
20-اللوح قال للمسمار إنت فلقتنى , قال المسمار لو كنت تعرف الدق إللى فوق
دماغى كنت عذرتنى
21- خد الأصيلة ولو كانت على الحصيرة
22- ما يغرك رخصه هاترمى نصه
23- خنفسة شافت ولادها ع الحيط قالت دا لولى ملضوم فى خيط
24- زى المش كل ساعة بوش
25- الغايب مالوش نايب
26-الفاضى يعمل قاضى
27- بصلة المحب خروف
28- الحلو ما يكملش
29- جه يكحلها عماها
30- طول مابن آدم حَىّ رزقه جَىّ
31-مطرح ما ترسى دق لها
32- الضمانة أولها شهامة وآخرها غرامة
33- قول فى وشه ولا تغشه
34- إللى ملوش خير فى أهله ملوش خير فى الناس
35-الرجل تدب مطرح ما تحب
36- الصيت ولا الغنى
37- العبد فى التفكير والرب فى التدبير
38- العرق يمد لسابع جد
39- العين بصيرة والايد قصيرة
40- بيع الجمال واشترى خفة الجمال كتيير بس الخفيف صدفة
41- وقت القصعة نبقى تسعة ووقت الحاجة نبقى وحادى
42- إللى من دمى ما يخلى من همى
43- إللى يسعدها زمانها تجييب بناتها قبل صبيانها
44- إكنس بيتك ورشه ما تعرف مين يخشه
45-المال السايب يعلم السرقة
46- ابن الوز عوام
47- باب النجار مخلع
48- حبيبك يمضغ لك الزلطوعدوك يتمنى لك الغلط
العروسة للعريس والجرى للمتاعيس
49- إن عيط ابنك عيط معه ما تعرف إللى بيوجعه
50- إن خوفت ما تقولش وإن قولت ما تخافش
51- إللى يخاف من العرسة ما يربيش كتاكيت
52- إللى يبيع يغتنى سنة واللى يشترى يفتقر سنة
53- قالوا للكاتب استريح قام وقف
تعليق / أى إن الراحة تكون حسب أحوال الشخص
54-إللى يعمل إيده مغرفه يصبر على ضرب الحلل
55- قال له نام لما ادبحك قاله دا شئ يطير النوم
56- إن اصطلح القط والفار خرب دكان البقال
57- من كتر خطابها بارت
58- طمعنجى بنا له بيت فلسنجى سكن له فيه
59- إللى تخاف منه ما يجيش أحسن منه
60- يا قاعدين يكفيكوا شر الجايين
61- إن عشقت اعشق قمر
من بره هالله هالله ومن جوه يعلم الله
62- الجواب ينقرى من عنوانه
63- يا واكل قوتى يا ناوى على موتى
64- إللى ما لوش شغله تشغله يفتح الباب ويقفله
65- الله يخليكى يا شدة يا لى بينتى دا من دا
66- عمر العدو ما يبقى حبيب وعمر شجرة التين ما تطرح زبيب
67- يا فاحت البير ومغطيه لا بد من وقوعك فيه
68- أن غاب القط العب يا فار
69- علشان الورد ينسقى العليق
67- كل فوله ولها كيال
68- السلف تلف والرد خسارة
69- البيت بيت ابونا والغرب يطردونا
70- نايم فى المية وخايف من المطر
71- قال يا جحا عد أمواج البحر قال الجايات اكتر من الرايحات
72- الجار جار ولو جار
73- تموت الحداية وعينها فى الصيد
74- بعد العيد ما يتفتلش كحك
75- لا تعايرنى ولا أعايرك دا الهم طايلنى وطايلك
76- إصرف ما فى الجيب يأتيك ما فى الغيب
77- قد النملة ويعمل عملة
78- قليل البخت يلاقى العضم في الكرشة
79- إللى يجى فى الريش بقشيش
80- إللى يعمل نفسه ردة تنكشه الفراخ
81- إن كان لك صديق وبدك تبقيه لا تاخد منه ولا تديه
82- البنت ضرة أمها
83- دخانك عمانى وطعامك ما جانى
84- خدوا فالكم من عيالكم
85- لا تذم ولا تشكر إلا بعد سنة وست أشهر
86- إفتكرناك يا ضيف خفيّف , لقيناك يا ضيف تشتى وتصيّف
87- زى الطبل صوت عالى وجوف خالى
88- اللي اختشوا ماتوا
89- تيجي تصيده يصيدك
90- ضربتين في الراس توجع
91- ما شتمك ألا اللي بلغك
92- ما ينوب المخلص إلا تقطيع هدومه
93- ميه من تحت تبن
94- عمر الشقي بقي
95- يسرق الكحل من العين
96- الكدب مالوش رجلين
97- كلمة يا ريت ما تعمر بيت
98- لا منه ولا كفاية شره
99- اللي في الحلة تطلعه المغرفة
100- يشتمني في زفة ويصالحني في عطفة

منقول

[/size]

من طرف الروح الهائمة الخميس 01 مايو 2008, 12:30 am

مجموعة أمثال جميلة
وفى منها الغريب وفى منها الطريف جدا
وفى كمان اللى اعرفه بنفس المعنى لكن بصيغة مختلقة
والتراث ملئ بالامثال والحكم وكلها تجارب واقعية
نشكرك على الامثال الجميلة

الروح الهائمة

من طرف فايزة شرف الجمعة 02 مايو 2008, 5:40 pm

المثل رقم مائة .. هو مثلي المفضل .. لأن كثيرا ما يتعرض الإنسان لإهانة من شخص ما أمام كم من البشر ، ثم ما يلبث أن يـاتيك معتذرا بعد أن وقعت الفاس في الراس .. والأدهى يكون بينه وبينك .. طيييييييييب نسامحه إزااااااااي

من طرف hussein الجمعة 02 مايو 2008, 11:21 pm

الامثال هى تاريخ الشعوب وسيرتها الذاتية التى لم يكتبها احد
وهى تجمع الخبرات كلها فى كلمة او اثنتين
وكل مثل من هذه الامثال يحتاج الى دراسة متعمقة فى نفسية البشر وطبائعهم
انا اقترح اننا نخصص كل مرة مثلا لفتح المناقشة حوله واعتقد ان النتيجة ستكون خطيرة جدا

من طرف فايزة شرف السبت 03 مايو 2008, 12:07 am

والله فكرة كلها إبداع .. لازم ننفذها حالا .
بس نناقش مثل علمني الصيد خير من أن تعطيني سمكة أولا .
ممكن

من طرف hussein السبت 03 مايو 2008, 3:20 am

مممممممممممممممممممممممم

انت ايه حكايتك مع السمك

من طرف فايزة شرف السبت 03 مايو 2008, 9:26 am

السمك هو عملة منتدانا ولا نسيت .. ثم أن هذا المثل جميل جدا .. لو عقله المصريون لتبدل حالهم .

مائة مثل شعبى

مائة مثل شعبى

رد: مائة مثل شعبى

رد: مائة مثل شعبى

رد: مائة مثل شعبى

رد: مائة مثل شعبى

رد: مائة مثل شعبى

رد: مائة مثل شعبى