عك*عك*عك

عك*عك*عك
عك في عك عك.......و الشيش سخطوه بقي يك
و الاسم طرب و اغاني.....و لا فيها م الفن معاني
بتدك وداننا دك..........ما هو عك في عك في عك
______________________________________
يطلع ع المسرح مطرب....له شكل كئيب و بيطرب
و بصوت مبحوح يراذينا........ده كلاكس ولا سرينة
و لسانه عايز له مفك..ما هو عك في عك في عك
______________________________________
تسمع منهم مزيكا..........مفيهاش بياتي و سيكا
خبط و رزع يا افنديا.........و يقولو موسيقي غربية
دي ابر بتشكنا شك....ما هو عك في عك في عك
______________________________________
اما الكلمات دي مصيبة......هابطة و معانيها غريبة
الفاظ سوقية بتجرح....ملهاش في قاموسنا مطرح
و الكلمة عليها الرك......مش عك في عك في عك
_______________________________________
و ان قولنا فينك يا رقابة........نبقي بندن في خرابة
خليكوا كدة نايمين.....................زودتوا البلة طين
و ساهمتو في صنع العك..و اهو عك في عك في عك
________________________________________
فين ايام ثومة الغالية..............و معاني الفن العالية
فين رامي و السنباطي............راحوم ولا يا اخواتي
دكان الموهبة سك.....................و فضلنا بس العك
_________________________________________
فين نعم اللة الوهاب..................و فنون عبد الوهاب
كيلوباترا و الجندول.....................و الكرنك ياما نقول
خايف من كتر اللك...........ماهو عك في عك في عك
_________________________________________
و القمة دي كانت جايزة ..........لحليم ونجاة مع فايزة
و فريد مين راح ينساه.....................علمنا نقول الاه
خبرته في العود دي محك...مش عك في عك في عك
__________________________________________
دلوقتي مع الالاديش.................لطش فننا طلطيش
ييجي الف كاسيت و زيادة....ما تحيسش فيها سعادة
امتي النحس ده ينفك...............و نبطل عك في عك


[b][center]