مربعات فن الواو

من طرف محمد مديح الثلاثاء 23 مارس 2010, 11:55 pm

هبدأ واقول الصلاه
ع النبي هيّه الدليل
تعمل ما بينا صله
ف الصبح أو دا الليل
***
محلى الصلاه ع النبي
اللي الإله زكّاه
رضاه يا دوب مطلبي
ده جه بصلاه وزكاه
***
وصيام وحج البيت
والأوله شهادة
ف مدرسته إتربيت
واتمنى انا شهاده
***
شاعر يادوب ع القد
ولسه بتعلم
بتعبي ويّا الكد
بجد هتكلم
***
الواو ده فن وعشقته
والعشق كان له أصول
وربي شاء وبمشيئته
يكتب لحرفي الوصول
***
واكتب واقول المربع
واتجنس ابقى صعيدي
وحرفي يبقى مسمّع
والواو ده يجري ف وريدي
***
ما انا تملّي صريح
ما احب قول الكدب
وإسمي هوه مديح
أستر علينا يارب
*****

من طرف جابر الزهيرى الأربعاء 24 مارس 2010, 10:31 pm

إلى ولدى البار والحبيب محمد مديح :
محلى الصلا ع النبى
تشفى قلوب مجاريح
وترجع الشيخ صبى
تسلم إيدك يا مديح
***
أبوك جابر
أنا هافتح موضوع وعايز منك نقل هذه المساهمة إليه لتجميع كل أمر من الأمور التى يناقشها الفن فى موضوع خاص