باشتكي لك

يا مُحمد
يا رسول الأنسانيه هاشتكيلك
م اللي بيا هاشتكيلك
م اللي حاصل واللي صابنا ها شتكيلك
انت اولا بينا منا انت ويانا وبينا
انت قلت كتاب وسنه
واحنا تهنا عن سبيلك
احنا امه اتفككت صبحت في محنه
والقلوب فينا اتبلت للدنيا رُحنا
غيبنا خالص بالجوارح عن براحنا
القلوب من جوه اوجاعها يا طّه
بتناديلك تشتكيلك
البشر ساكنها عون كبر و ماليها
والوشوش الغش ماساكها و عاليها
والضماير اتمحي منها ما فيها
بدلوها غيروها خالفوا سيْرك
باشتكيلك
الحياء ما بقاش عايشنا روحنا فين
والحياه داقت بعيشنا ومهمومين
وصلت الأزمات لعيشنا وتعبانين
فين دليلنا يا هادينا من دليلك
الغلا ع الكل ماضي وفين نروح
والوفا بقي فعل ماضي بالوضوح
وانكسر سيفنا اللي ماضي لمين نبوح
والخداع والكذب اصبح عيني عينك
الوجع اصيح ساكنا في كل ناحيه
والغلا فوق القلوب كأنه راحيه
والعيون ما الفكر طول ايامها صاحيه
بتناديلك با نابينا وتشتكيلك