حرام عليك ( للمسابقة )

[b][b]حرام عليك
( كلمات - على سلامة )
==============
والله حرام عليك
والله هموت بسببك
أنا دايما مشغول بيك
نفسى أحس انى شاغلك
أنا دايما بفكر فيك
نفسى أخطر على فكرك
أنا عايش فى حزن كبير
قول لى ازاى أحنن قلبك
بضحك بس قدام الناس
ووحدى ما قدرش أوصفلك
كل ثانية تمر عليا
سنين طويلة فى بعدى عنك
بأه ناوى تبعد وتسيبنى
صدقنى أموت أنا بعدك
بعيد عنك حياتى عذاب
مش نبض قلبى كتير قال لك
أنا ..... هسيبك للزمن
وهو يخلص لى منك
انت عمرى ... أمل حياتى
ليه بأه بتحرمنى منك
يامسهرنى .. ارحمنى وطمنى
وافتح لى باب قلبك
هو القريب منك بعيد
ولا شكل تانى حبك
أنا بعشقك .. أنا أهواك
بأمانة حيرنى أمرك
انت عارف قد أيه بحبك ؟
اسأل روحك .. اسأل قلبك !
عموما ........ هسهلهالك
هى كلمة واحدة ( بحبك )