كل سنة وانتم طيبين

إلى كل الأعزاء في المنتدى

مرة تانية أقول لكم
كل عام وأنتم بخير

المرة دي بمناسبة حلول الربيع
شم النسيم

ويارب يخللي أيامنا الجاية منعشة بعيد عن الحر

بس بلاش تخللوا الجو كله ملوحة وفسيخ ورنجة وبصل
خدوا بالكم من صحتكم

قولوا معايا
اللهم آمين

من طرف الروح الهائمة الخميس 24 أبريل 2008, 2:35 pm

كل سنة وانت طيب يادكتور

وكل أعضاء المنتدى طيبين وبخير وسعادة

الروح الهائمة

الروح الهائمة
يارب نشوفك قريب وانت ماشية على رجلك
ومالية الدنيا هيصة

الروح الهائمة

يارب نشوفك قريب وانت ماشية على رجلك

ومالية الدنيا هيصة

من طرف فايزة شرف الخميس 24 أبريل 2008, 9:32 pm

آدي الربيع عاد من تاني .. يارب يكون عيد تشموا فيه الهواء النقي .. ويعطي لك الصحة يا دكتور .. واضح أنك عملت جهد خطير .. ذهبت رحلة سفاري إلي غابات الأمازون .. وأحضرت معك منظر طبيعي يجنن وكمان ببغائين .. بس شفتهم فين ؟؟؟.. الله أعلم

وروح تنطلق على قدميها بين الحدائق والحقول .. تعالي هاتي أيديكي .. نروح سيرلانكا .. أيه رأيك المنظر يجنن ، ولا الهواء
منعش .

شاوري يا روح على أي فيلا كلهم تحت أمرك .. هه يا ماما سوسو ، وأنتي يا شيرين .. عايزين تيجوا تعالوا أنا عاملة حسابكم

من طرف ماما سوسو الجمعة 25 أبريل 2008, 2:10 am

الله عليكم الله عليكم

حقيقى انتوا تجننوا

المنتدى كله ربيع وجوه اصبح بديع

والدكتور عاملنا جو ربيعى جنان

وروح قلبى الجميله وربيعها الرائع

ولا فايزه ورحلات السفارى

اوعوا تطلعوا من غيرى يافوفه انا معاكم

صحيح بخاف من رحلات السفارى لكن مش مهم مادمت معاكم

فعلا احنا هنا فى الربيع

ودايما يادكتور سباق بالتهنئه

وكل سنه وايامكم وحياتكم كلها ربيع وزهور

ومسك الختام ( والله انى لأحبكم جميعا فى الله )

من طرف الروح الهائمة الجمعة 25 أبريل 2008, 2:47 am

يارب يادكتور بيومى دعواتك

ويافايزة أنا مستعدة اروح معاكوا اى مكان يالا خدى إيدى
فعلا نفسى اتفسح ومعاكوا الفسحة هاتبقى حاجة تانية
وأنا قربت اخف خلاص

يااجمل ماما سوسو كل سنة وانت طيبة
تعالى معانا وماتخافيش
معاكوا واحدة صعيدية الاسد يخاف منها
هههههههههه لو شفت قطة هاجرى

الروح الهائمة

من طرف ماما سوسو الجمعة 25 أبريل 2008, 7:49 am

على فكره ياجماعه

انا خلاص جبت البيض ولونته

بس مش عارفه اذا كان كده كفايه

ولا اجيب تانى اصله خد منى وقت كبير فى التلوين

من طرف فايزة شرف الجمعة 25 أبريل 2008, 9:36 am

ما تخافوش ، أنا أفديكم بعنية .. على فكرة أحب المغامرات مووووووووووووووووت .. وبعدين سيرلا نكا بلد ودودة مافيهاش وحوش ولا حاجة .. شوفوا الجمال .

وطبعا مش هاننسى ناخد بيض ماما سوسو الرائع ، ومن رأيي يكون للفرجة بس .. خسارة نأكله .

من طرف chereen الإثنين 28 أبريل 2008, 12:45 am

أوعوا تنسونى أنا معاكم فى أى مكان صحرا إن كان او بستان
ماما تعمل البيض

وبابا وفايزه اختيار الاماكن

وروح المطلوب منها تكون القائد بتاع الرحله
وتبعد عننا الاسود والنمور

قصدى العصافير
وانا اجهزلكم الاكل

فسيخ واللى ميحبش فسيخ

ياكل رنجه
واللى ميحبش رنجه

ياكل رز بالخضار
واللى ميحبش رز

يشرب شربه
أما الحلو.................مفاجاه
عندى صينيه بسيمه أرض جو
عملهالكم مخصوص علشان شم النسيم

من طرف فايزة شرف الإثنين 28 أبريل 2008, 3:47 am

والله هي فكرة حلوة جدا .. أن المنتدى يعمل رحلة بجد .. ونجتمع كلنا ونقرر نذهب إلى مكان نقضي فيه عدة أيام .. والدكتور بيومي الزعيم .. وحسين بما أنه صحفي يختار المكان المناسب .. ونأخذ معانا أكلك يا شيرين .. وأول شيء نأكله هي البسيمة .. ونخلصك منها .. إيه رأيكم ؟

من طرف الروح الهائمة الإثنين 28 أبريل 2008, 9:54 pm

انا موافقة يافايزة
بس تحديد اليوم والتاريخ يتوقف على
اخر قطعة بسيمة تاكلها شرين من الصينية
لما نتأكد إنها خلصت نحدد الرحلة بس الخوف تكون مخبياها وتفاجئنا بها

الروح الهائمة

من طرف chereen الإثنين 28 أبريل 2008, 10:04 pm

ههههههههههههههههههههههههههههههه

ثوانى ياروح هشوف باقى كم قطعه فى العلبه
وراجعه تانى

باقى 5 قطع

يا خساره قربت تخلص

موش عارفه هعمل ايه لما تخلص.......................بفكر اعمل صينيه بسيمه اخرى علشان الرحله
وهى الرحله تبقى رحله من غير صينيه البسيمه

لااااااااااااااااااااااااااا
باترجااااااااااكى
بلاااااااااااااااااااااااش
الخمس قطع دول احتفظى بهم للذكرى
وكل ماتفكرى تعمليها تانى هاتيهم وبصيلهم
علشان تفتكرى حجم المأساه وتلغى الفكرة

الروح الهائمة

من طرف فايزة شرف الإثنين 28 أبريل 2008, 10:43 pm

كل الحكاية يا روح أن شيرين كانت بتنفذ تعليماتك .. والظاهر سوف نضع عصابة علي رأسنا ونصيح مثل سمير غانم .. هانكلللللها .
أما بالنسبة للرحلة فهذا الاقتراح جدي جدا .. نحدد يوم بعد امتحانات الأولاد .. وكلنا سوا هيلا بيلا نروح حسب المكان الذي نختاره .

وعلشان شيرى كانت بتنفذ تعليماتى
حاسة ان انا السبب
طبعا بدون قصد لانى فعلا بنفس المقاديروالطريقة باعملها وبتطلع جميلة
لكن احساسى بالذنب خلانى قررت اعمل ماتش اعتزال
واعتزل دخول المطبخ تاااااااانى
والرحلة بجد يارييييييييييييت ونبقى نتجمع فى اسوان ونروح الساحل الشمالى ههههههه علشان نقرب المسافة
الروح الهائمة

من طرف chereen الثلاثاء 29 أبريل 2008, 1:21 am

ما هى فعلا هناكلها ......هناكلها
وانا دلوقتى باكل قطعه من الخمس قطع
بس من غير شاى

أوعى تعتزلى يا روح
انا السبب فى انها وحشه موش انتى

ارجعى للملاعب والله محتاجه للاكلات اللى بتنزليها فى مطبخ الفرسان
انا كل يوم جمعه هعمل اكله منهم
وهقولك عالنتيجه

بلييييييييييييييز
ياشيرى بلااااااااااااااااااش تجربى
لأن فعلا ممكن الحاجة تتعمل أكتر من مرة وبنفس المقادير وكل مرة
يبقى فيها حاجة مختلفة
والله ياشيرى مازعلانة بس اتعقدت
ولو غامرتى وجربتى ماتقولييييييييييش على النتيجة
أنا باعلن عدم مسئوليتى عن اى صنف تجربيه انت او اى حد من الاعضاء
هههههه وخلاص انا هاتجه للتدريب

الروح الهائمة

الأخوات العزيزات
ايه الفضايح اللي على الملأ دي
ما تقولوا لي في السر
ونعمل حاجة مفيدة جدا بالبسيمة دي
اللي ننزل عليه عقاب يكون عقابة إنه ياكل قطعة بسيمة
ايه رأيكم
دام فضلكم

كل سنة وانتم طيبين

كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين

رد: كل سنة وانتم طيبين