ملوخية الجمبري

من طرف فايزة شرف السبت 14 يونيو 2008, 2:05 pm

قبل البدأ في شرح عمل ملوخية الجمبري ، ومن التجربة .. وجدت أن أن تقلية البصل تقلل من نكهة الجمبري .. لذا عندما تريدين تقديم الجمبري مقليا .. عليك خفق بيض وفلفل أسمر وقليل من الملح ، ثم إضافة مقدار من الدقيق إلي البيض ويمزج معه الجمبري ، ويقلي كمية كمية في مقدار قليل من الزيت ، ستجدينه طعما جدا بدون أي إضافات أخرى .

لذا فسوف نقوم بعمل الملوخية دون بصل أو اي مكونات زيادة .. على غرار أهل القاهرة .. فهم يعملونها خضراء دون إضافة طماطم أوبصل .. فقط تضاف الملوخية إلى الشوربة الدسمة المغلية .. وتترك حتي تأخذ غلية واحدة فقط ، ولا نزيد .. ثم يضاف عليها مقدار كبير من الثوم المهري وحفنة من الكسبرة الجافة وتحمر في سمن بلدي .. ثم تطش فوق الملوخية .. ونحن هنا في الدقهلية كثير من الناس يضيفون إليها الطماطم .. ولكن بالمقارنة .. ملوخية القاهرة تكسب .

والآن إلي الملوخية بالجمبري حسب رؤيتي الجديدة :
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
يقشر الجمبري ، وينزع العرق الأسود منعا للزفارة .. ثم يغسل جيدا بالدقيق ثم الخل .

يحمر الجمبري في زيت ويقلب جيدا حتى يأخذ اللون الوردي ..
يضاف إليه الشوربة الدسمة وتغلي .. ثم يضاف الملوخية وتعمل بالطريقة السابقة .

فقط الجمبري هو الذي تم تحميرة .. وبذلك يفقد زفارته .

من طرف الروح الهائمة السبت 14 يونيو 2008, 9:57 pm

اكيد هاجربها ان شاء الله
بس عايزة اتاكد من حاجة لفتت نظرى
انتوا بتقدحوا للملوخية بكسبرة خضرا؟؟؟؟؟؟؟؟
احناعندنا قدحة الملوخية بالكسبرا الحب المطحونة مهروسة مع توم
وبنحمرها بالسمن البلدى يعنى تبقى دهبى مش تحمر قوى
ونطشها فى الملوخية بعد ماتاخد غلوة فى الشوربة ونطفى عليها
اول مرة اعرف انها ممكن يتقدحلها بكسبرة خضرا
الروح الهائمة

من طرف فايزة شرف السبت 14 يونيو 2008, 10:45 pm

فعلا هي كسبرة جافة .. وقد عدلت في الكلمة .. وهي كما قلت دون زيادة .. فلا يوجد كسبرة خضراء بالفعل .
وإن كات من الممكن إضافتها أثناء فرم الملوخية .

من طرف chereen الأحد 15 يونيو 2008, 1:00 am

الملوخيه بتاعتى يا فيفى
عباره عن شوربه بتغلى
على ملوخيه خضرا
وبعد ما تغلى عليها كزبره وتوم
ومن غير بصل وطماطم.............فاكتبى طريقتك بتاعت البصل والطماطم

ومن تجاربى فى عالم المطبخ ...................
كل ما الشربه قلت فى الملوخيه..............تكون النتيجه ملوخيه ناجحه
وهجرب الملوخيه بالجمبرى واقولك عالنتيجه
بس ممكن تكتبى المقادير
يعنى الكميات
يعنى مثلا كيلو ملوخيه عليه كيلو جمبرى ولا ايه
علشان الاكله تطلع مظبوطه

من طرف فايزة شرف الأحد 15 يونيو 2008, 1:28 pm

يا شيري سيبك من الملوخية المضاف إليها البصل والطماطم .. لأني عندما ذقت طعمها كما تطهينها أنت وروح وجدتها أفضل وهذا عن تجربة .. أما المقادير فهو حسب تذوقك في الطعام .. يعني الجمبري لما يكون كتير الملوخية لن تقول لا . لأن الأولاد والكبار كمان سوف يصيدون الجمبري .

من طرف chereen الأحد 22 يونيو 2008, 1:03 am

هسيبنى من الملوخيه بالطماطم
و
خلينى فى الملوخيه بالجمبرى

هو فى حد يكره يصطاد الجمرى من الملوخيه
الاكله دى عايزه جمبرى صغير موش كبير
صح يا فيفى ولا ايه...........
ادوات الصيد جاهزه

من طرف فايزة شرف الأحد 22 يونيو 2008, 2:31 pm

كوني شاطرة وصيدي جمبري كبير بلاش كسل ، وابنة خالتي الدمياطية أضافت على طريقة طهي الملوخية بالجمبري .. بأخذ رؤوس الجمبري التي نزعت ، ويعمل منها شوربة من أجل الملوخية .
بس العجلة دي تتاكل أكل .. كلها فيتامينات ممكن أعمل واحدة مثلها ,

من طرف chereen الأربعاء 25 يونيو 2008, 12:32 am

كوني شاطرة وصيدي جمبري كبير بلاش كسل

دانا هصطاد جمبرى منزوع القشر والراس...............................
هو انا لسه هقشر الجمبرى
ولا اقولك انا هعمله بالراس والقشر
واللى عايز ياكل يبقى يقشره

والعجله دى هديه لك بالخضار اللى فيها

من طرف الساحرة الأحد 22 يناير 2012, 12:50 pm

تسلم ايديكى اختى فايزة

وصفه سهله وجميله

انا هجربها
انا ديما بعمل الملوخيه بالفراخ المحمرة والارز المفلفل فقط

بس هجربها الملوخيه بالجمبرى

انا سعيده لوجودى معاكم

تحياتى

الساحرة

من طرف Admin الإثنين 23 يناير 2012, 12:49 am

وياريت لما تعملي الملوخية بالجمبري تعملي حسابي في طبق جمبري بالملوخية أحسن جعت

ملوخية الجمبري

ملوخية الجمبري

رد: ملوخية الجمبري

رد: ملوخية الجمبري

رد: ملوخية الجمبري

رد: ملوخية الجمبري

رد: ملوخية الجمبري

رد: ملوخية الجمبري

رد: ملوخية الجمبري

رد: ملوخية الجمبري

رد: ملوخية الجمبري