هيا اصنعي مفرش سفرتك بنفسك

من طرف فايزة شرف الثلاثاء 18 مارس 2008, 10:33 pm

هذه هي الوحدة الأساسية للمفرش .. الوحدة الأولي تشغل كاملة .. أما باقي الوحدات .. فيستكمل السطر الأخير عندما نقوم بالتشبيك .. والتشبيك هنا يتم عن طريق السلاسل .. ففى السلاسل النهائية عندنا خمسة سلاسل .. فنقوم بعمل سلستين ، والثالثة تكون غرزة حشو تشبك في منتصف الخمسة سلاسل في الوحدة المقابلة .. ثم يعمل اثنين سلسلة

من طرف Admin الأربعاء 19 مارس 2008, 5:04 pm

فايزة
إيه الجمال ده
ياريت تهدي لي شوية مفارش وافضل أدعي لك طول النهار

من طرف ماما سوسو السبت 22 مارس 2008, 1:28 pm

ميرسى يافايزه

المفرش تحفه وطريقة العمل سهله جدا

بس انا برضه لسه مستنيه طريقه عمل البلوزه

ذوقك يجنن

احلى بوسه لأحلى فايزه

من طرف chereen الإثنين 24 مارس 2008, 2:14 am

جميله أوى الغرزه دى يا استاذه فايزه
وممكن كمان
تكون مفرش سرير
بس دى بتاخد وقت ولا لا

مش عارف أبدأ إزاي يا ست شيرين
يا بنتي الغالية
إزاي تقولي لي لماما فايزة

جميله أوى الغرزة دى يا أستاذه فايزة
وممكن كمان
تكون مفرش سرير
بس دى بتاخد وقت ولا لأ

يعني إيه تاخد وقت
ما تاخد يا ستي وقت إيه اللي هايجرى
هواحنا ورانا حاجة
أقصد إنت

يوووووووووووووه
أقصد هو الجنس اللطيف وراه حاجة
مش أحسن من الرغي في سيرة ده و ده

يا خبر أبيض
الواحد كل مايجي يكحلها يعميها

أسكت أحسن وكفاية الحملة الشعواء على حسين
حملة السمك إياها والذي منه

وعلى فكرة أنا لا أرفع الراية البيضا
ولكن أتقي شر لساني اللي عاوز قطعه
tongue

من طرف فايزة شرف الثلاثاء 25 مارس 2008, 1:35 am

ابدأي في التعلم يا شيري ، وبعد كده توكلي علي الله
على فكرة أنا عملت حتى الآن خمس مفارش كبيرة ، والسادس في الطريق
3 سفرة من خيط الشولد السميك .. واحد لي واثنين لبناتي ساره وهاجر
ومفرشين سرير من الصوف .. إنما إيه أيضا لساره ، وهاجر .. وأقنعت أصدقائي ، في العمل ، وناس أخرى بصنع مفارش لهم ، ولأولادهم ، وبالفعل عملنا مفارش تجنن .. أنا أعمل لهم الوحدة الأولي ، وأعلمهم تشبيكها ، وهم يقومون بالباقي ،.
أه بس لو كنت قريبة مني يا شيري .. كنت علمتك ، وأصبحت أشهر شاطرة في عالم الكروشيه .. فهمتك ، ولا تشمتي فينا الناس

من طرف chereen الثلاثاء 25 مارس 2008, 1:43 am

ايوه ورانا يابابا حاجات كتير
احنا وقتنا من دهب
والوقت كالسيف إن لم تقطعه قطعك
وبعد الشر على لسانك
بس ليست كل بنات الجنس اللطيف
بيتكلموا فى سيرة دا ودا
ربنا يسامحك يابابا
انت هتعمل زى استاذ حسين ولا ايه؟
وانا خلاص جهزت الإبر والخيط باقى الدرس العملى

من طرف chereen الثلاثاء 25 مارس 2008, 1:53 am

ياريت كنت قريبه منك يا استاذه فايزه
انت عارفه انا عندى فكره بسيطه فى الكروشيه بس يجى منى
بصى هتعلم وابقى شاطره
بس خايفه يحسدونا على شطارتنا شوفتى كل مجال ندخله لازم نتميز فيه
موش عارفه الدنيا كانت تبقى ازاى من غيرنا
قوليلى ايه رايك فى المفارش اللى انا عرضت صورها

من طرف فايزة شرف الثلاثاء 25 مارس 2008, 2:35 am

الحمدلله أنك مستعدة للعمل .. على فكرة هناك أشغال يدوية كثيرة تعلمتها لوحدي .. مثل المكرمية ، من كتاب قد اشتريته ، والتريكو .. كنت أشتغل بإبرة وأنا في الابتدائي قد صنعتها بنفسي .. والكروشية ، تعلمته من أختي الصغيرة .. وأصبحت ألآن متفوقة فيه .. لأني دائما أطلع علي الجديد .
بالنسبة للمفارش .. هي جميلة.. ، وهناك الأجمل والأشيك .. لأنه يفضل بالنسبة للمفارش الألوان الفاتحة .. بالنسبة لمفرش السفرة المشكلة أن مصر ليس بها خيط قطن جيد .. ولكني أقوم بشراء خيط الشولد باكيت كبير من سوق الجملة عندنا في المنصورة .. واخترت خيط أسمك قليلا من خيط الشولد العادي ، وهذا أنواع .. النوع الأغلي هو الأفضل .. وبدأت في عمل مفرش من خيط الشولد العادي الذي نستخدمه من ماركة تسمى الفراعنة .. جيد جدا .
بعد أن تنتهي من عمل المفرش ، تقومين بفرشه فوق قماش لامع تختاريه حسب زوقك ، فيكون شكله يجنن .. ربنا يسهل ، وأستطيع عرض انتاجي من المفارش .
ومعا سنختار وحدة وتبدأين عمل مفرش سفرة ، وبعدها سرير من الصوف .. وسيكون متميزا جدا بإذن الله ، وليس له مثيل في السوق .

من طرف ماما سوسو الثلاثاء 25 مارس 2008, 3:13 am

والله يافايزه برافو عليكى

انا كده حاغير واطلع ابر الكروشيه والخيوط

وابدأ اشتغل تانى

وعلى فكره انا واثقه ان شيرى حاتتعلم بسرعه جدا

وحاتعمل انتاج حلو اوى

وفى انتظار انتاجك الجميل ياعيونى

بسرعه معندناش وقت نضيعه

وعشان ييجى يوم يرفعوا الرايه البيضا

ويعترفوا بمكانتنا وامكانياتنا

تم تعديل الكومنت مع تقديم الاعتذار للزعيم
عن اى لبس أو خطأ غير مقصود بالطبع

قادموووووووووووون

ماما سوسو
طبعا انت عارفة إنك غالية علينا
وطبعا مش عاوزين نخسر بعض
احنا مش حاقدين
انتم اللي تايهين
تفتكري اسمه ايه انك تقولي
هجوم العمالقة
يعني إحنا أقزام
صحيح أنا لوحدي بعد حسين ما فلسع
لكن ربنا معايا
مش هاستسلم أبدا
مهما تقولي
وانا أقترح عليكي اقتراح
نعمل هدنة مؤقتة بيننا وبينكم أيها العمالقة القادمون
نشم نفسنا شوية
وعلى فكرة ده مش استسلام
ده علشانكم يا ستات
دا انا أقدر اعمل عمايل واسوي الهوايل لكن ساكت
مش عاوز أبين القوة
هــــــــــــــــــــا

من طرف ماما سوسو الأربعاء 26 مارس 2008, 9:56 pm

الى ربان السفينه

الهدنه مقبوله يازعيم

وقد عقدنا اجتماعا نساءيا

تم فيه الموافقه على ايقاف حملتنا الشرسه

لأقناعك برفع الرايه البيضا

لقناعتنا التامه انك سترفعها بكامل ارادتك

لك كل التحيه والتقدير والاحترام

مع احلى باقة ورد

من طرف فايزة شرف الخميس 27 مارس 2008, 3:15 pm

طيب أنا عاوووزة باقة ورد مثل هذة الباقة الرائعة .. يعني الدكتور بيومي يأخذ باقة ورد ، وهو لم يستسلم .. طيب أنا ليه في الباقة دي لأخفيها ، وشوفي أنا سوف أعمل واحدة مثلها .. كأنها هي ، علي قول ملكة سبأ .. حتى تأتيني بواحدة أفخم وأروع

[/size][/b]

من طرف ماما سوسو الخميس 27 مارس 2008, 11:15 pm

أأمرى ياقمر

احلى باقات الزهور لعيونك

وبعدين خلى بالك

احنا مقررين ايقاف الحمله ولازم نستقطبه

[center]

من طرف chereen الجمعة 28 مارس 2008, 2:25 am

هههههههههههههههههههههههههههههههههههههه
إيه اللى حصل وانا غايبه عن الموضوع
هو ازاى بنختار رقم الابره
عندى 2 و 8 و 12 و 11
أعمل المفرش برقم كم
يلا يا أستاذه فايزه ردى عليا
الابر جاهزه

ماما دايما متألقه بالصور.......................
وميرسى يا ماما عالتشجيع لقيت عندى 4 إبر بس لسه الخيط هشتريه
بس المشكله ممكن ياخد وقت وممكن فى نص الطريق يحصلى ملل ومكملش

العمالقه قادمون
المقصود مين......................احنا يعنى
متزعلش يابابا
احنا عمالقة الكروشيه
وأنتم عمالقه الشعر
موش لوحدك يابابا كلنا معاك..................

من طرف فايزة شرف الجمعة 28 مارس 2008, 3:48 am

متأسفة يا شيري تأخرت عليكي .. رائحة الورد دوختني .. والمكان آخر روعة .. وبعدين أنا ضعيفة جدا للورد .. أموووت فيه موت .
آه فكرتيني الإبرة المناسبة .. خيط الشولد العادي يفضل إبرة رفيعة السن ممكن من نمرة 8، 7،6 أما الأسمك فيفضل 6 أو أربعة
خيط الصوف من نمرة واحد أو اتنين .. أنا شخصيا لابد أن أستخدم الإبرة المناسبة .. ودائما الإنسان عندما يضع هدف في حياته يجب أن يكمله .. فهذا أساس النجاح عامة في الحياة .. الصبر والمثابرة .. حتى نصل لأهدافنا .. معايا ولاااا

ســــــــــــامحوني لم أستطع مقاومة الورد أخذته معايا .. وربنا يسهل وتكون أحلامــــــــــــــــــى وردية ، ونكون صحبة في الجنة

هيا اصنعي مفرش سفرتك بنفسك

هيا اصنعي مفرش سفرتك بنفسك

حلوة قوييييييييي

رد: هيا اصنعي مفرش سفرتك بنفسك

رد: هيا اصنعي مفرش سفرتك بنفسك

تاخد وقت

رد: هيا اصنعي مفرش سفرتك بنفسك

رد: هيا اصنعي مفرش سفرتك بنفسك

رد: هيا اصنعي مفرش سفرتك بنفسك

رد: هيا اصنعي مفرش سفرتك بنفسك

رد: هيا اصنعي مفرش سفرتك بنفسك

ايه رأيك في هدنة؟

رد: هيا اصنعي مفرش سفرتك بنفسك

رد: هيا اصنعي مفرش سفرتك بنفسك

رد: هيا اصنعي مفرش سفرتك بنفسك

العمالقه وصلوا............يا قوم

رد: هيا اصنعي مفرش سفرتك بنفسك