أسير عينيك

من طرف hussein الخميس 20 مارس 2008, 1:06 pm

فى عينيك عنوانى

تائه فى دربك
الملم جرحى الغائر
واتساءل
اين عنوان حبيبتى
...
فى لهفة..
اهفو اليك
يزداد الحنين
رغم المسافات
وطول السنين
...
رغم انى..
مازلت فى حبك
وليد
لكننى
بحبك فاتنتى
سعيد
...
فى دربك
اسير
دون خرائط
على هدى شعاع
من عينيك
ما زلت اسير
...
اسير انا
فى هواك
ورغم الاسر
لم اطلب يوما
حريتى..
ام اسع يوما
اليها
لابقى دوما
فى هواك
اسير
...
: ذنبى فى هواك اننى
احببت حبا
لا يحتويه القلب
حبا..
لا يليق الا بك
انت
فهل يجد من يحتويه؟؟؟؟؟
...
العنوان ..
سراب
والدرب طويل
والوهم كبير
وعيناك بحر
لا حد له
فهل اجد فى هذا اليم
عنوانى؟؟؟؟؟؟
ام ابقى فى اليم
غريق!!!!!!!!

من طرف chereen الجمعة 21 مارس 2008, 1:30 am

من العنوان اعتقدت انها قصيدة الشاعر فاروق جويده
ولكنها كلمات اخرى لشاعر آخر
وهذا لا يمنع انها كلمات جميله ورقيقه
ومتقدرش تسيب القصيده غير لما تقراها للآخر
كلمه....كلمه
وحرف....حرف

من طرف ماما سوسو الجمعة 21 مارس 2008, 5:00 am

كلمات مكتوبه بأحساس عالى

بس انت ماتقلقش لو غرقت حالحقك

وحاجيب سناره من فايزه واطلعك

ولو السناره مانفعتش

حنشتغل شبكه بالكروشيه وباحدث غرز

وحانطلعك حنطلعك

من طرف hussein الجمعة 21 مارس 2008, 10:03 pm

ايوة كده مش انا قلت ورايا ستات

عشان حد يلحقنى من الغرق فى هذ اليم

اما شيرين فربنا يسامحها
بتقولك شاعر تانى
فاروق جويدة مثلا
بس ده معناه ان انا باكتب فى مستوى فاروق جويدة
مافتكرش!!!!!!!!!!!!!

من طرف hussein الجمعة 21 مارس 2008, 10:05 pm

على فكرة
ياشيرين
القصيدة من تأليفى
مش حد تانى
ولا اعلم من قبل ان فاروق جويدة له قصيدة بهذا العنوان
وان كانت ليست قصيدة
بل مجرد خواطر
واسمها اوحت به الى ....
ولا بلاش اقول

أخي حسين
لقد تهت عن الشعر
فعلا فاروق جويدة له ديوان بهذا الاسم
ويا سيدي لماذا تخجل من قولها أنك شاعر؟
فالشعر يأتي من الشعور
من المشاعر من الأحاسيس
وربنا يخلي لك ماما سوسو عمالة تقول كلمات مرهفة الحس
دا شاعر إنما إيه
يا سلام ده لو غرق مش ها نستريح
لازم نطلعه بسنارة
كل ده وبتتنطط علينا
دي كلماتي وانا مش شاعر
لآزم تشعر وتحس بينا بقى
يااااااااااااااااااااااااااااااااهـ
إيه ده

من طرف الروح الهائمة الأحد 23 مارس 2008, 10:26 pm

أخى حسين انت فعلا شاعر مرهف الحس والقصيدة الصادقة اعتقد انها خواطر ولكن لصاحبها موهبة امتلاك اللغة ونظم الكلمات ونحن فعلا معنا شاعرين كبيرين ومتواضعين جدا

الروح الهائمة

من طرف hussein الإثنين 24 مارس 2008, 12:24 am

مفيش فايدة فيك يا اخى

انت عايز منى ايه بس
سوسو بتدلعنى زعلان ليه
وبعدين انا فعلا نسيت ان فاروق جويدة له قصيدة بهذا العنوان او على ما اعتقد انه ديوان كامل بهذا الاسم
لكن والله هذا الاسم اوحت به الى ........
برضه مش هاقولك
لكن انا فعلا لم اتخيل ان اعود لكتابة الشعر ابدا
فهناك مرحلة طويلة مرت على لم امسك فيها القلم لاكتب شعرا
حتى انى ابتعدت عن قراءة الشعر ايضا
ولكن منتداكم هذا يبدو انه احيا داخلى ذكريات قديمة شدتنى مرة اخرى الى هذا العالم السحرى
واتمنى ان اكون عند حسن ظنكم
وانت يا اخى شجعنى
بدل ما تجبطنى كده
ده انا هاعمل فيك عمايل لما اشوفك

من طرف hussein الإثنين 24 مارس 2008, 12:34 am

الروح الهائمة فى سماء الشعر

كلامك كبير اوى عليا
لكن معناه انى لازم التزم اوى عشان اكون قد الكلام الكبير ده
اشكرك بكل صدق

من طرف hussein الإثنين 24 مارس 2008, 1:54 am

لقد قمت بتغيير عنوان القصيدة حتى لا يتشابه مع عنوان ديوان الشاعر الكبير فاروق جويدة

وبرضه هذا العنوان اختارته ....
ولا بلاش
مش هاريح بيومى الشيمى

أسير عينيك

أسير عينيك

رد: أسير عينيك

رد: أسير عينيك

رد: أسير عينيك

رد: أسير عينيك

فاروق جويدة

رد: أسير عينيك

رد: أسير عينيك

رد: أسير عينيك

رد: أسير عينيك