في آاااااخــر الســطر

من طرف ضياء الدين البري السبت 01 مايو 2010, 2:30 am

السلام عليكم .. مجرد رأي

كلام من قلبي

في أواااخرالسطر

.....

وفْ آخرالسطر

وبعد مافات الأوان

سكـِت السؤال

ولقيت اليأس فْ لحظه

جاني

من غير أي معرفه سابقه

عاوز يصاحبني

رفضته بشده

لقيته مُصِرْ

هاجمته

فجـأه

لقيته اتداره فْ أحساسي

كائنه خلاص اتمكن مني

عايش وبيعزف جوّايا

علامات استفهام

تايهه

جوّا العتمه

بتطرح فيّ ، غصْبٍ عني

حتي الكراكيب

اللي اتكسرت جوايّا من الخوف

زايد خوفها

والنبض الباقي في جنابي

بيهاتي

يزعق بعلوْالصوت

يستنجد

عايزها تفوت

تلم اخواتها وتعدي

بعد ماقدرت تنزعني

من قبل ماشوف

كل إيدين الليل ممدوده

وإن الدنيا بتخدعني

رافضه وجودي

ومفيش فايده

حتي دموعي

ناويه تواسي الخوف

جوّا عيوني

لحظه ، ولاقيتها بتصرخ

أتاري جفوني

م الخوف مكبوته

من كتر الحزن

نشفـت

شققت ، من كتر الصهد

اللي هناك

عايش وبجـد

وسمعت فْ جوّايا النبض

كأنـه الرعد

والفكر الشارد مني

متخبي فْ داخلي

يتحدي كياني

ولمحت النبضه

اللي مازالت عايشه

جيّاني بتلح عليّ

تصرخ وتقوللي

تزرع جواي شعاع

يواسيني

يونس أجزائي

محاوطه عليّ

ماشيه معايا فْ كل ظروفي

رغم التوهه ، سكناني

خطوه بخطوه

وشافت هيّ

مرارها القاسي فْ سكتي

تشوفه عنيّ

تتبدّالي

أنادي حياتي ، بعزم مافيّا

فينك ياحياه..؟

لكن ..

من إمته بتسمع لندايا .؟

نسياني

سيباني اتسرسب

وارجع تاني

في الحلم ألملم

نبضاتي التايهه

يمكن لما تفوت وتشوفني

تيجي تحاول يوم تلحقني

تقرّب مني

تسكن جوّيا من تاني

تسكّت ألمي شوية وقت

وفْ لحظه لقيتها

إفتكرت عنواني

أتاريها جايّه عشان تسألني

نفس سؤالي حسيت في ساعتها

بقلبي يتخبط

يوجعني

وخجلانه آهاته

من كتر القسوه

اللي شيفاها بتعشقني

بعد ماكنيت

أسمعها تكشر أنيابها

تزعق نبضاتي

تزعل مني

ولما بتيجي اللحظه وتسكت

تقدر تسمع

من صدي صوتها

تقول حزنانه

تشوف المغزي

جوّا حروفها الموشومه

علي قفصي الصدري

والخنقه البايته علي جبيني

برضه الاقيها تحاول تاني

ترجع فيّ الأمل الغايب

يمكن يصحي

فْ لحظه حنيني

أو يتبدل

خوفي حقيقي

من بعد ماظهر السكات

شافت حروفي بتتمايل

بتتاوب من التوهان

عشان حياتي كلها

هاديه ومكنونه

مابين طيات ، قدري المباح

وأناتي

في وسط نهاري سجناني

وترغمني

أدور في الساقيه المهجوره

تنشف زرعة حوّالي

تيتّـم فيّ نبضاتي

بالكامل

ماده إديها بتفتش

علي أيامي الباقيه في عمري

وكان نفسي

أعيشها تصونّي واصونها

علي أرضي اللي عطشانه

لأن ديابه تحرسها

وبيـن أنقاضي بتدوّر

علي قلبي اللي ساكنه جراح

وتتفسح

وتتحكّـم في عمري البور

عايزه تلاقيأي بواقي

من دمي المستباح

وطريق متداري

بين حواري الحياه

تلمح لي فيه ، أي نسمة أمل

ممكن تلحقنيتخفف عني

لجل ما حاول

وافضل اجرب

أطل واشوف

وفْ وسط الزحمه

يمكن ألاقي جواب

علي السؤال الساكن

في أحلامي

بقاله زمان

واقف حيران

في أواااخر السطر

.............

أشكركم

وللجميع تحياتي

من طرف يسري حنفي سرحه السبت 08 مايو 2010, 10:22 am

استاذ ضياءالدين
ماذا لو انك كثفت هذا العمل
وجعلت له موسقي واحدة
الخواطرموجوده محتاجه الي ترتيب
ويحسب لك ان قلت مجرد رأي
فا تقبل رأيي ومروري

من طرف ضياء الدين البري الأحد 09 مايو 2010, 5:30 pm

السلام عليكم .. مجرد رأي

الأستاذ الفاضل ../ يسري حنفي

احترامي وتقديري

لكل منل وجة نظر فيما يدور ويكتب من حوله

وبالطبع لابد وان احترم وجهات النظر الاخري

وتواجدي هنا بين هذه الكوكبه الرائعه

الهدف منه طرح كلماتي

وقراءة التعليقات المفيده

بما فيها من دراسه وبحث وبيان مابها من ايجابيات وسلبيات مكتوبه وموضحة الأسباب

أما ما قرأته في تعليقك

يعني أن النص بأكمله ماكان يجب أن يطرح هنا

لعلله الكثيره والمختصره في كلماتك التي قرأتها

والدليل

أن هذه الكلمات طرحت علي صفحات منتديات أخري

ولاقت من التعليقات مايؤكد أنها تصلح لأن تكون

عموما

رأي حضرتك قرأته واستفدت منه

كما استفدت من آراء أساتذه كبار

وإن شاء الله من السهل أن أنقل هنا هذه التعليقات وبكامل صفحاتها

كل الشكر والتقدير أستاذ يسري

وللجميع تحياتي

في آاااااخــر الســطر

في آاااااخــر الســطر

رد: في آاااااخــر الســطر

رد: في آاااااخــر الســطر