ياريت بلاش تنافسونا فى دى كمان

من طرف ماما سوسو الأحد 23 مارس 2008, 3:08 am

توصلت دراسة طبية حديثة الى ان غسيل الأطباق

وأدوات المطبخ يقضي

على القلق عند الزوجة ويعمل على تحسين حالتها

النفسية بشكل كبير.

طبقت هذه الدراسة على 700 امرأة وجد أن 90% منهن

شعرن بمزاج عال وحالة معنوية

مرتفعة بعد أداء هذا الواجب المنزلي,

كما اوضحت أجهزة القياس المستخدمة

في الدراسة ان غسيل الأطباق والأكواب وبقية الأواني

المنزلية يؤدي الى حالة استرخاء وارتياح نفسي

بين النساء بشكل كبير.

أكد استاذ الصحة العامة والطب السلوكي

ان العلاقة بين العمل المنزلي والاسترخاء

النفسي والمزاجي للنساء بأنه محاولة للخروج من الدائرة

المغلقة التي يدخلن فيها نتيجة

تولد شعور القلق لديهن وبالتالي يتم كسر هذه الدائرة

بعمل إيجابي بالرغم من أن عملية

غسيل الأطباق عملية ميكانيكية ولكنها تبدو مفيدة

ومنها نتائج إيجابية جيدة,وقد أكدت

الدراسة ان 30% من السيدات اللاتي غسلن الأطباق

قبل النوم بساعتين تمتعن

بنوم أفضل وأحلام أجمل بعكس من أجلن ذلك

او قمن به قبل دخول غرفة النوم بوقت طويل .

وتوضح الدراسه هذه النتيجة بانها تعود الى

حدوث عملية احلال للتوتر حيث يتحول التوتر

السلبي الى إيجابي وحينما يشعر الإنسان

أن عليه واجبا لم ينجزه لا يستريح حتى ينتهي منه

وبالتالي يتم تفريغ للطاقة النفسية وكسر حدة التوتر.

( ممكن نسمح لكم تعملولنا نسكافيه وبلاش غسيل

الاوانى لكن لو مصرين نعمل احنا النسكافيه وامرنا لله)

من طرف hussein الأحد 23 مارس 2008, 1:39 pm

هو احنا شفنا نسكافيه ولا حتى ربع كافيه

المهم مادام الوضع كذلك
انصجكن بان تواظبن على غسيل الصحون
وازالة الدهون
وغسيل الاسنان بدون معجون
مادام ده بيريح السيدات
احنا عايزين راحتكن

من طرف الروح الهائمة الأحد 23 مارس 2008, 4:28 pm

شكرا ماما سوسو على الموضوع الشيق واعتقد اننا بننام كويس علشان بيتهد حيلنا فى الغسيل واشمعنى فى دى (احنا عايزين راحتكن)ههههههه لا احنا متنازلين عن الراحة دى

الروح الهائمة

ماما سوسو
طبعا عمرنا ما نفكر ننافسكم في شغلكم
لكن دايما أنتم بتفكروا تنافسونا أقصد تستولوا على كل حاجة تخص الرجل
أولا: الزي النهاردة الجنس اللطيف لازم يلبس زي الرجال
ثانيا : الجنس الناعم لازم يحلق زي الرجالة باسم الموضة
ثالثا : الجنس المتمكن لازم يزاحمنا في رزقنا وأكل عيشنا
رابعا الجنس الـ .... لابد أنه يستولي على كل المناصب التنفيذية في الدولة
حتى المأذونية
تفتكري يا ماما سوسو
احنا نقدر ننافس
أنا خايف يجي اليوم اللي الراجل يقعد في البيت يكنس ويغسل الهدوم ويغسل المواعيد
ويقوم بكل واجبات الزوجة
وحضرتها تخرج تشتغل وتعطي الأوامر وتسير أمور الدولة
والخوف من النتائج
العودة للوراء
ماما سوسو
إن اختلاف الرأي لا يفسد للود قضية

من طرف فايزة شرف الأحد 23 مارس 2008, 10:31 pm

شوفي يا ماما سوسو أنا كتبت تعليق قبل هذا ، والظاهر فيه جهات معادية قامت بتشفير ما قلته لأهميته القصوى ، وممكن هذا التعليق يسبب اضطرابات أمنية .
ماما سوسو واضح أن هذا البحث قد وضعه رجال ، كي يضحكوا على الستات ويهدوا حيلهم .. قال .. غسل الصحون بيهدي الأعصاب .. مين قال هذا الكلاااام .. هو فين وأنا ومجموعة من الستات نقوم بصلبه على قارعة الطريق .. أو صلبهم ، وعند ذلك سيدلوا باعترافتهم وما جنوه في حق الستات
أنا موافقة علي الغسل بس في شيء واحد ، وهو غسل الأموال ... أوكي

ياريت بلاش تنافسونا فى دى كمان 6101b2b1a8

من طرف فايزة شرف الأحد 23 مارس 2008, 10:53 pm

وبعدين أرجوك يا ماما سوسو سيبيني على الدكتور بيومي .. بعد غسل الصحون والبهدلة في الشوارع .. وشيل الخضروات .. يقول حرية المرأة ، ومنافستها مع الرجال .. طيب أقولكم حاجة .. فيه سيدة أجنبية رأت سيدات كثيرات يحملن أوراق خضراء نضرة ، ظنتها نوع من الزهور .. ، يعني السيدات تحملن زهور من أجل الترفيه ، فقال لها المترجم .. هذا نوع من الأكل اسمه ملوخية .. يحتاج تقطيف .. ثم تجفيف ، وعلى فكرة أنا بأجففه في الغسالة الفل أوتامتيك ، ولو سألتوني سأجيبكم بكل صراحة ..
أه متأسفة خرجت من الموضوع .. وبعد التجفيف يحتاج إلي فرم .. هذا كلام المترجم .. ثم طشة الملوخية .. فصمتت السيدة فترة متفكرة .. ثم قالت .. كم هي عظيمة المرأة المصرية الغلبانة .
كل ده والدكتور بيؤلب علينا الرجالة متمثلة في أخونا حسين ، الذي يمثل جميع رجال العالم .
وبعدين في حاجة لازم أقولها .. علشان أرتاح .. يعني الرجال اليوم بيتركوا ستات البيوت ويشترطوا تكون موظفة .. يعني الست تعمل غصبا عنها .. طب قولي لي سنعطيكي مليون جنيه .. سأستقيل من الوظيفة فووورا

من طرف hussein الإثنين 24 مارس 2008, 12:13 am

انا عايزك تطمئنى على الاخر

فلا بيومى الشيمى ولا سيدى البيومى نفسه يقدر يحرضنى ضدكن
على فكرة
انا فى احتفال يوم المراة الذى اقيم على مستوى القاهرة
فى مركز شباب 15 مايو
كان من المفروض ان القى كلمة كعضو مجلس ادارة فى حضور القيادات الكبيرة بالمحافظة
وارتجلت كلمة قلت قيها ان الجميع يقول ان المراة هى نصف المجتمع وانا ارفض هذا الكلام واقول ان المراة
هى كل المجتمع..
وهنا قامت كل السيدات الحاضرات من جميع مراكز الشباب بالقاهرة وصفقن لى بحرارة شديدة غاظت كل الرجال الموجودين
حتى انهم قرروا فيما بينهم انى لازم انضرب فى هذا اليوم
لكن طبعا محدش قدر يعمل حاجة لان التعليمات كانت قد صدرت بعدم التعرض لى
طبعا اوامر نسائية
يبقى تفتكرى بيومى يقدر يقدر يفكر انه يحرضنى

من طرف hussein الإثنين 24 مارس 2008, 12:17 am

اما اخويا بيومى فانا باقوله احنا نفسنا يجي اليوم اللى انت بتقول عليه

عشان نبقى نغسل الصحون
واعصابنا ترتاح شوية بقى
مع انى عمرى ما عملتها
يمكن عشان كده اعصابى تعبانة

من طرف فايزة شرف الإثنين 24 مارس 2008, 1:16 am

هذه هي الشهامة .. والدكتور بيومي عناده لن ينفعه .. أنت رجل كيس لم تصارع الريح .. ولذلك يجب أن نتفق نحن السيدات وتنال منا وسام الشرف من الدرجة الأولى ، ومعه سمكة وأيضا خذ هذا الورد هدية

ياريت بلاش تنافسونا فى دى كمان Cc02bfc7cd

تصوروا فايزة بترد ومش عاجبها غسل الصحون
وبصيت تحت تعرفوا لاقيت ايه
يووووووووه ماتنم شايفين زيي أنا نسيت
لقيت ثلاث صور لمجموعة من الصحون
ما فيش فايدة
اللي في القلب في القلب
مش كده يا فايزة
الصحون في القلب وفي العقل وفي الإيد
والراجل اللي عمل الدراسة ما كدبش
الست قبل ما تنام لازم تقوم جري علشان تغسل الصحون
عارفين ليه؟
عـ
لـ
شـ
ا
ن
ما يجيلهاش
كـ
و
ا
بـ
يـ
س
يا ساتر يارب اللهم الطف بيهم
وعموما أنا مش هاستسلم أبدا مهما تقول
مين اللي تقول ؟
كل ستات المنتدى
ومعاهم طبعا حبيبي الموالي للأغلبية الصارخة
طيب يا حسين
أكيد هنتقابل لوحدينا وشوف راح أعمل فيك إيه

من طرف فايزة شرف الإثنين 24 مارس 2008, 4:11 pm

يا دكتور الصحون الموجودة هنا كلها زي الفل .. وبعدين أنا لم أغسلهم .. فقد قام به غيري ، وتصور أني منذ سنين كان عندي شغالة .. كانت بتعمل كل شيء.. ولقيت نفسي مش ورايا أي حاجة .. كنت سعيييدة ، وعلشان اشغل وقتي وطبعا احافظ علي لياقتي البدنية كنت ألعب رياضة .
والله أن طول عمري بأحقد علي الرجال من أجل هذه الصحون والذي منه .. يا سيدي أنا ربنا خلقني أديبة .. مش غسالة صحووووون

من طرف hussein الإثنين 24 مارس 2008, 5:09 pm

ولو برضه مهما تعمل

ساتركك تصارع فى غسيل الصحون
واعيش انا مع عطر الزهور
اشكرك ايتها الاديبة الجميلة على ورودك العطرة
على فكرة يا مستر
انا مش فاكر احنا اتقابلنا فين قبل كده

من طرف hussein الإثنين 24 مارس 2008, 11:19 pm

ههههههههههههههههههههههه

ايه دكتور الصحون دى
اوعى تزعل

ياريت بلاش تنافسونا فى دى كمان

ياريت بلاش تنافسونا فى دى كمان

رد: ياريت بلاش تنافسونا فى دى كمان

رد: ياريت بلاش تنافسونا فى دى كمان

طبعا مش ممكن

رد: ياريت بلاش تنافسونا فى دى كمان

رد: ياريت بلاش تنافسونا فى دى كمان

رد: ياريت بلاش تنافسونا فى دى كمان

رد: ياريت بلاش تنافسونا فى دى كمان

رد: ياريت بلاش تنافسونا فى دى كمان

صحون يا فايزة

رد: ياريت بلاش تنافسونا فى دى كمان

رد: ياريت بلاش تنافسونا فى دى كمان

رد: ياريت بلاش تنافسونا فى دى كمان