رقصة أم

رقصة أم

فين الحلم القومي يأمي
اللي ولادك يحلموا بيه
كل اولادك ،عاطل ،أمي
بالصعيدي أقولك إيه

إحجلي رقصك زين يابنية
رقص السامبا خايل فيك
ياللي قلبك صافي النية
أرقصي بلدي الله يخليك

أرقصي والسقف لولادك
قسمي وانكري ف ذاتك
لا انا خايف أكون طبال
ولا رافض أكون زبال
يدوب شايف من الغربال
عشاق وقفوا لميعادك
ارقصي وانكري لذاتك

قصيتي ريش حلمي
وطيري ما طارشي
ومستقبلي ف علمي
صناعة الطرشي
دفنتي حلم وعلم
والفيلم ما كملشي
تصدقي بالله
انا قلت ما قلشي
وكتبت عن حبك
وسحرك علي رمشي
وقلتي إني بار
رسمت الهوا بلونك
مش عدل تبقي ف بار
وانا ابقي مجنونك
ملعون ابو الأشعار
دا الغش بات فينا
ورغم حضنك نار
ف غيره مادفينا
ازمة ولادك ثقة
والحب مات فينا
ولا حد وافي لحد
دالحب كان ذادك
يتعودي قاهرة بجد
يتنكري لذاتك
!!!!!!!!!!!!!
اتمايلي يام الولاد
سهري عيون البلاد
خليني غريب الدار
إتلاعبي مع المزمار
بحب الرقص وحياتك
فرقصي وانكري لذاتك

عجوزة والشعر رحال
علي كتاف عشاقك
ياموافقة للكل نال
غرضه منك وسابك
أفتحي بابك
أطردي حراسك
إحرقي كتابك
إقتلي ناسك ، وأولادك
وأرقصي وانكري لذاتك

خليتي الغريب سيدي
وانا عبد ف بلادهم
هما يكفرو بعيدي
وانا احتفل بميلادهم
واشوفك ترقصي اتخفى
الثم روحي بعباتك
اللحن محتاج للخفة
أرقصي وانكري لذاتك

لساكي يأمي هيباهم
سمحتي للعدو يرحل
برضاكي ولا دا رضاهم
من افعالك بقيت أخجل
الحكم لينا مش ليكي
طب شوري حتى اولادك
خلاص فعلك بيرضيكي
أرقصي وانكري لذاتك

وإيه الغاية من حبك
ما غير الرقص عالفاضي
أبيع نفسي فدا حبك
تصبي المر لولادي
مهوش عادي أكون رسام
والحبر يبقي من دمي
ولا أركع لمليون سام
ولو أرفض رضا أمي
فمن حقك ترفضي طبلي
منا أصلي من اولادك
ولا دلعك ف يوم طابلي
أرقصي وانكري لذاتك

لو بالقانون ملكانا
بالحب انا خدك
أما الحقوق ملكي انا
لو دمعك علي خدك
وأنا باقي إبن وبار
كل يوم حبك يذيد
مش عدل تبقى امطار
وانا سقف بيتي جريد
فبلاش تتلوني باسود
أنا عونك وانا ذادك
لا معونة لزير تسند
اصنعي حلم لولادك
*******
يَتعترفي برأي ابنك
يَترقصي وتنكري لذاتك

الابن البار
سامحيني يأمي