علمني الصيد خير من أن تعطيني سمكة

من طرف فايزة شرف الأربعاء 12 مارس 2008, 2:55 pm

الأشغال اليدوية
ـــــــــــــــــــ
على الرغم من التطور في مجال الصناعات بشكل عام ، وما يخص صناعة المنسوجات والملابس والبيضات والمفارش .. إلا أن العمل اليدوي لا يزال يملك خاصية الجاذبية ، حتي أنه في الدول المتقدمة العمل اليدوي يكون باهظ الثمن ,
والعمل اليدوي هو إثراء لوقت الإنسان ، وعلى كل فتاة أو سيدة أن تجيد عملا يدويا .. فلا تشعر بوقت الفراغ ...أيضا تستطيع من خلال تعلمها لبعض المهارات أن تصنع لنفسها ملابسها ، أو مفرش عرسها .. مما يوفر عليها الكثير من المال .
لنأخذ الصين مثلا يحتذي فاعمالهم اليدوية تملأ أسواقنا .. وأموالنا تذهب إليهم ، فلو قامت كل واحدة منا بعمل حتى بلوزتها أو مفرش سريرها أو سفرتها لوفرت الكثير والكثير ، ولساهمت دون أن تدري في زيادة الدخل القومي .
ربما يسخر شخص ما من هذا الكلام ، ولكن ما نعانيه من فقر الآن هو نتيجة مباشرة لضعف الصناعات لدينا .. إذن فلنقم بزرع فسيلة ، أو لنقم بوضع لبنة ، ولتتعلم كل منا ما يمكن أن تتعلمه من مهارات .
وفي هذا المنتدى علي كل من تجد لديها الرغبة في التعلم أو تجيد مهارة معينة أن تشارك
وليكن شعارنا المثل الصيني " علمني الصيد خير من أن تعطيني سمكة

من طرف نانيس خطاب الخميس 13 مارس 2008, 12:46 pm

شكرا أختى فايزة
عندك حق ولكن ليس كل أنسان له القدرة على الصبر ليتحمل ه
مثلى مثلا
هههههههههههه
أنت تعرفين ذلك ولكن جميل أن يتعلم الشخص أن ينتج لنفسه
وأنا أعرف أنك تنتجين الكثير من الأعمال الرائعة لك
فياليتك تعطينى سمكة لأنى مش قد الصبر
شكرا لك

من طرف hussein الجمعة 14 مارس 2008, 3:52 pm

كلام جميل .. ولكن تفتكرى الرجالة كمان ممكن يصطادوا سمك.. قصدى يشتغلوا تريكو واعمال يدوية ويقعدوا فى الشغل وفى المواصلات يشتغلوا بلوفرات ومفارش
والله تبقى حاجة جميلة
ممكن اخد سنارة

من طرف ماما سوسو الأحد 16 مارس 2008, 1:01 am

موضوع جميل واقتراحات بناءه

وياريت فعلا يتم تنفيذها .

واوعى تدى سمكه للأخت نانيس

ممكن تديها سناره زى الاستاذ حسين ولو انه مش عارف يعمل بيها ايه

مشكوره اخت فايزه

من طرف فايزة شرف الأحد 16 مارس 2008, 3:11 pm

ماما سوسو
نعطي لكل واحد سنارة ، كي يستطيع الصيد .. قصدي الشغل .. والأخت نانيس تأخذ ديل السمكة .. كي تتعلم الصيد .. المشكلة أني أريد البدء ، ولكن حتى الآن أريد تعلم تنزيل الصور إلى المنتدى .. حتى أتمكن من الشرح والعمل .
المشكلة الكبرى أن الأخت نانيس صديقتي هي التي يجب تعلمني هذا .ممكن هذه المرة أعطيها سمكة واحد .. حتى تستطيع أن تعلمني .

من طرف فايزة شرف الأحد 16 مارس 2008, 3:16 pm

الأخ / حسين
ستأخذ سنارة .. إما لاصطياد السمك .. أو لعمل أشغال يدوية .. ثم أن الرجال هم الذين اخترعوا هذا الفن .. وتجد رجال كثر .. خاصة في الريف يجيدون الشغل بهذه السنارة ، يجلسون أمام بيوتهم.. وأحيانا يجلسون في الأسواق .. يشتغلون الطواقي ، ويا Basketball

سلالالام على سرعتهم ..

من طرف ماما سوسو الأحد 16 مارس 2008, 9:08 pm

الاخت الفاضله . فايزه

اعتقد يمكنك مقايضة نانيس بسمكه مقابل سمكه من نوع اخر

وعلى فكره مشكلة تنزيل الصور على المنتدى

سواء من النت او الكمبيوتر دى مشكله تؤرقنى انا ايضا

وممكن ندى نانيس سمكه وسناره وفى المقابل تشرحلنا نعمل ايه

اما بالنسبه للاستاذ حسين . مش شرط تصطاد سمك بلطى

ممكن تصطاد بورى او مياس . اقصد طبعا ان مش كل الاشغال اليدويه

مفارش وبلوزات . فى حاجات كتير جدا ممكن الرجاله يصطادوها باديهم

شكرا للجميع .. ولكم منى خالص الود والتقدير

من طرف hussein الإثنين 17 مارس 2008, 2:17 pm

ههههههههههههههههههههههههههههههههههههههههه
الظاهر انى وقعت فى ملقف هوا عندكم
قصدى ملقف ستات
انتوا هاتتفقوا عليا ولا ايه
هو عشان انا لوحدى
يا بيوووووووووومى .. اخوك بينضرب .. هات الرجالة وتعالى
والله بايين كده ان مفيش رجالة وانا وبيومى هننضرب هنا

من طرف hussein الإثنين 17 مارس 2008, 2:23 pm

المهم
فى موضوع تنزيل الصور الحكاية سهلة جدا
زى شكة الدبوس
الخطوة الاولى تدخلى على اى موقع لتحميل الصور وانا هنا هاحط لكم روابط لمواقع تحميل
الخصوة التانية تعملى براوس يعنى استعراض للصورة اللى عايزة ترفعيها
الخطوة التالتة تضغطى تحميل
سيتم تحميل الصورة على النت
الخطوة الرابعة تاخدى كوبى من الرابط اللى هايظهر عندك وتنسخيه فى المكان اللى بتكتبي فيه
وهذه بعض مواقع تحميل الصور

http://www.10neen.com/up

http://www.5yali.com/up/index.php

وفيه مواقع كتير لتحميل الصور بس دول اسهلهم

لو فيه مشاكل ممكن نعرفها ونحلها سوا

ده عشان ماما سوسو بس اتوسطت لى عشان اخد سنارةوانا عارف ان الطلبات كتير

من طرف فايزة شرف الإثنين 17 مارس 2008, 5:00 pm

http://www.10neen.com/up//download.php?filename=b0e076f74b.jpg

من طرف hussein الإثنين 17 مارس 2008, 5:54 pm

كده صح
بس انت حملت الرابط مش الصورة نفسها
هتلاقى عندك اختيارات منها لتحميل الصورة على المنتديات
اختارى هذا الرابط واعملى كوبى منه الصقيه فى الموضوع على المنتدى
وبعدها ستظهر الصورة فى الموضوع

من طرف Admin الأربعاء 19 مارس 2008, 4:54 pm

على فكرة أنا سعيد بهذا الحوار
لكن ان حسين ينضرب يا ماما سوسو انت وفايزة والروح الهائمة
ده يزعلني ومضطر أنزل شوفو هاعمل إيه
شفتوا
أقصد أنضرب بداله
وعلى فكرة أنا مبسوط فعلا لأننا بنشرح لبعض اللي نعرفه
ومعلش يا حبيبي يا حسين
جاي تدخل زنقة الستات لوحدك ليه
وسلالالالام يا صاحبي

من طرف Admin الأربعاء 19 مارس 2008, 4:58 pm

طبعا أنا لم أذكر نانيس لأني شايفها بتتفرج علينا أنا وحسين وبتضحك
مبسوطة واحنا بننضرب
طيب يا نانيس
طيب
ربنا يسامحك
وانا مش هارد عليكي
في أي حاجة
ولا هابعت لك السنارة اللي فايزة اعطيتهالي علشانك

من طرف فايزة شرف الأربعاء 19 مارس 2008, 5:12 pm

إنذار لكل رجال المنتدى
الدكتور بيومي الشيمي لم يكن له رصيد مطلقا في صيد السمك .. لذا عليه الصيد على الفور .. وإلا أعذر من أنذر
أما الأخ حسين .. فرصيدك بدأ في النفاد .. لذا شمرعن سا عديك ، واستعد للصيد
حووول study

من طرف hussein الأربعاء 19 مارس 2008, 8:32 pm

يعنى انا بحكاية الصور دى مش اديتك سنارة

وكمان فيها سمكة
صحيح يا اخى احنا برضه اقلية
بس من حقنا نطالب بالمساواة

من طرف ماما سوسو الأربعاء 19 مارس 2008, 11:09 pm

انا بقى يااستاذ حسين مش عارفه اصطاد ولا سمكه

احتمال يكون مخى تخين شويه

ولا السناره مش كويسه زى سنارة الاخت فايزه

مش عارفه انزل اى حاجه فيها صور على المنتدى

انت خلاص شرحت للى بيفهمو بسرعه

ممكن تشرح بقى لامثالى من ال ؟؟؟؟

وممكن تضيف الشرح ده على الديون اللى عليا

من طرف hussein الخميس 20 مارس 2008, 12:11 pm

توكلنا على الله

كده انت مديونة بكام سمكة

المهم

1- تدخلى اى موقع للتحميل من المواقع التى كتبتها اعلى

2- اختارى براوس او استعراض

3- هتفتح لك صفحة من الجهاز بتاعك تختارى الصورة من المكان اللى انت عايزاه فى الكمبيوتر

4 - اضغطى اوك او فتح

5 - بعدها ستجدى اللينك الخاص بالصورة على الموقع

6- اضغطى تحميل

7-بعدها سيتم رفع الصورة على الموقع

8-تاخدى كوبى من اللينك الخاص بوضع الصور على المنتديات

9- الصقى هذا اللينك فى المكان الذى تكتبين فيه الموضوع

وبعدا ارسال الموضوع وساعتها ستجدين الصورة منورة المنتدى

تحياتى

من طرف ماما سوسو الجمعة 21 مارس 2008, 4:40 am

استاذ .. حسين

مشكوووووووووووور

بس تصور مخى ماطلعش تخين

الملفات اللى كنت بختارها كانت دايما كبيره

وعشان كده ماكنتش بتتحمل

علمني الصيد خير من أن تعطيني سمكة 424909296f

من طرف hussein الجمعة 21 مارس 2008, 10:17 pm

ههههههههههههههههههههههههههههههه

ما هو الكبير لازم يحمل الكبير برضه
اقول لك حاجة عشان تقللى حجم الملفات
اذا كانت صور افتحيها بواسطة برنامج paint
وافتحى imageواختارى الاختيار التانى
ثم حددى المقاس الذى تريدينه للصورة
ممكن تدى المقاس بحجم 30 % مثلا او اكتر
والمقاس تحدديه فى الخانتين الاوليين فقط ثم اوك
اما اذا كان الملف اغنية او برنامج فيمكن ضعطه ثم تحميله

من طرف chereen الإثنين 24 مارس 2008, 2:10 am

إيه الموضوع الجامد دا
أنا كنت فين والكلام دا كله بيحصل
هقولك طريقه حلوه يا ماما تقللى بيها الصور مهما كان حجمها
*بالماوس تضغطى على الصوره كليك يمين وتختارى "open with"
*تختارى" Microsoft office picture maneger"
*وبعدين هتتفتح الصوره من شريط الادوات رابع كلمه "صوره "
*تضغطى عليها هتتفتح قائمه اخر حاجه فيها "ضغط الصور"تضغطى عليها
*هتتفتح صفحه بالصوره فى شمالها فى مكتوب" اعدادات ضغط الصور"
*نختار منها "ضغط لاجل صفحات ويب" وبعدين نضغط موافق
*وبعدين نطلع تانى فى شريط الادوات ونختار أول كلمه "ملف" ونختار منها حفظ باسم
وبس كدا الصوره بتكون صغيره جدا
هو الكلام دا سهل ولا صعب

ابنتي شيرين
حبيبي حسين
يارب يخليكم لينا عرفتونا إزاي نحط الصور الكبيرة والصغيرة في المنتدى
وده طبعا حاجة جميلة لكن ما قلتوليش إزاي
نحمى أنفسنا من أصحاب السعادة
أقصد صاحبات السعادة
اللي عاوزين يجيبونا لورا علشان همَّ ياخدوا مكاننا قدام
الله يسامحكم ياللي في بالي

من طرف ماما سوسو الثلاثاء 25 مارس 2008, 1:11 am

هما مين اللى فى بااااااااااااالك

يادكتور بيومى

ابن

افصح ولا تخف

من طرف ماما سوسو الثلاثاء 25 مارس 2008, 1:16 am

حبيبة قلبى

ماتحرمش منك يارب

وقريب قوى ان شاء الله

حانزل حاجات جميله على المنتدى

بس يارب انجح

ومش ناسيه فضلك برضه يااستاذ حسين

يا ماما سوسو انت عارفة مين اللي في بالي
وعاوز أقول
أنا لن أستسلم قط
حتى لو جبتم لي سمك الحوت مش أي سمك

من طرف مني حكايات السبت 03 أبريل 2010, 3:17 pm

ماشاء الله عليكم
وعلي الروح الحلوة بينكم

شكرا لكم موضوع حلو

يسلمووووووووو

علمني الصيد خير من أن تعطيني سمكة

علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

حبيبي يا حسين

نانيس

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

ربنا يخليكم

رد: علمني الصيد خير من أن تعطيني سمكة

رد: علمني الصيد خير من أن تعطيني سمكة

ماما سوسو

رد: علمني الصيد خير من أن تعطيني سمكة