إشهد يانيل

من طرف الروح الهائمة السبت 19 أبريل 2008, 1:31 am

دى خواطر او مشاعر حاولت اعبر عنها بكلمات بسيطة فى فترة ماضية واعذرونى لو فيها أخطاء
إشهد يانيل
*********
عينى على بلد الظلم فيها بينتصر
عينى على بلد الحق فيها بيندثر

إشهد يانيل يادموع ملايين
يابحار ياجبال يااهرام ياسنين

على ولد تايه ضايع شريد
على بطل راح لبلده شهيد

ليه يابلد ليلك طويل
ليه يابلد شعبك ذليل

ياأمى دموعك فيضان
ياأمى إبنك غضبان
ليه راح سجين طغيان

يابسمة طفل محبوسة
ياكلمة لأ مدسوسة

يادم شهيد راح هدر
لأ يابلد ده مش قدر

قدرك عملتيه بإديكِ
لما وليتى الظلم عليكِ
لما حكمتِ الشيطان فيكِ
لما شفتِ الدم وغمضتِ عنيكِ

ليه يابلد عايشة سنين
براس مدفونة مغروسة فى الطين

قوم ياشباب خد طارك ده أخوك شهيد
راح علشان ماتعشّ طريد

ثور ياشعب يامتكتف ماتخفش الموت
فك حبال الظلم وعلىّ الصوت

قوم ياشباب شجعان
والحق مسيرة هايبان

أشكركم وارجو المعذرة لأى خطأ
الروح الهائمة

من طرف عادل عوض سند الأحد 07 يونيو 2009, 12:05 am

االاستاذه الفاضله
الروح الهائمه
مضمون القصيده جميل
والسرد متناسق
ولـــــــــــــــــــكن
الوزن يا سيدتى به بعض الهنات العروضيه
وهذا لا يقلل من قيمة العمل الفنيه
فانتى شاعره بالفعل وإلا ما اخرجتى هذه القصيده المكتظه بالغضب على الاوضاع الفاسده والتى طفت على سطح المجتمع
نشكر لكى إبداعك الجميل وقلمك الثائر
وتقبلى تقديرى ومرورى

من طرف الروح الهائمة الأحد 07 يونيو 2009, 8:57 pm

أخى واستاذى الفاضل
عادل
أهلا بك
سعيدة بمرورك وكلماتك المشجعة
على فكرة دى مجرد خواطر كتبتها وأنا طالبة فى الجامعة
وبالتحديد عقب حادث المنصة ويمكن تقدر تعرف من بين السطور البطل اللى اقصده
هههههه انا مش دارسة بحور الشعر ولا اعرف يعنى إيه هنات عروضية
لكن اعشق الشعر واتذوقه بإحساسى وبكتب بعض الخواطر لكنها لا ترقى للمستوى المطلوب
أخى اشكرك لمرورك الكريم وردك الأكرم
تقبل تحياتى
الروح الهائمة

من طرف عادل عوض سند الإثنين 08 يونيو 2009, 12:55 pm

الاستاذه الفاضله
الروح الهائمه
العفو سيدتى انا لا أقصد النقد بمعناه الأكاديمى
ولكنى اعرف انها خاطره واحياناّ نقرا خواطر موزونه واحياناّ اخرى نقراها نثراّ
اعذرينى فانا لا اقصد والله ان اترك اثراّ سيئاّ فى نفسك
وانا آسف وارجو تقبل اسفى وإعتذارى
مع خالص تقديرى لشخصك الكريم وخلقك الدمث

من طرف الروح الهائمة الإثنين 08 يونيو 2009, 7:30 pm

الاستاذه الفاضله
الروح الهائمه
العفو سيدتى انا لا أقصد النقد بمعناه الأكاديمى
ولكنى اعرف انها خاطره واحياناّ نقرا خواطر موزونه واحياناّ اخرى نقراها نثراّ
اعذرينى فانا لا اقصد والله ان اترك اثراّ سيئاّ فى نفسك
وانا آسف وارجو تقبل اسفى وإعتذارى
مع خالص تقديرى لشخصك الكريم وخلقك الدمث

أخى الفاضل
أستاذ عادل
أهلا بك
حضرتك منور صفحتى للمرة التانية وده شرف ليا
ههههههه من كرم أخلاقك بتعتذر عن خطأ لم ترتكبه
إنت عبرت عن وجه نظرك بأسلوب عقلانى ومنطقى غير مسئ وأنا رديت من غير أى زعل أنا دايما أحب وجه النظر المختلفة وأفضل الرد يكون واقعى اكثر من مجرد مجاملة وخصوصا لما تكون وجه نظر من إنسان مثقف زي حضرتك
أكيد أنا اللى هاستفيد

الروح الهائمة

من طرف عادل عوض سند الثلاثاء 09 يونيو 2009, 11:40 am

الاستاذه الشاعره
والسيده الفاضله
الروح الهائمه
انا اشكر حضرتك على هذا الاطراء واشكر كلماتك والتى أتضاءل امامها
واسمحى لى بسؤال
الا يوجد احد على هذا الموقع غير
الروح الهائمه وعادل عوض
ولا الدكتور / بيومى طرد باقى الاعضاء ؟
معلش سؤال يلح عليه من ساعة إنضمامى
سعدت بكلماتك وسعدت اكثر بتبادل وجهات النظر
تقبلى تحياتى وتقديرى

الا يوجد احد على هذا الموقع غير
الروح الهائمه وعادل عوض
ولا الدكتور / بيومى طرد باقى الاعضاء ؟
معلش سؤال يلح عليه من ساعة إنضمامى

أهلا استاذ عادل
ههههههه سؤالك منطقى جدا
زى مانت شايف كان فيه أعضاء وكان فى موضوعات جميلة وروح أسرية رائعة بين الأعضاء وفى فترة معينة مرينا كلنا بظروف ابعدتنا عن المنتدى
لكن ومن خلال سؤالك أنا بارجو وبتمنى إن جميع الأعضاء يرجعوا
وينوروا منتداهم تانى علشان تدب فيه الروح ونقدر نكبره
وبتمنى أنك ماتيأسش
وبرده بارجو دكتور بيومى يتواجد بشكل أكبر
نعمل محاولة أخيرة(يمكن)
شكرا استاذ عادل ومنور دايما
الروح الهائمة

أخي الحبيب عادل
أولا أنت أعلم بي من نفسي وتعرف مدى حب بيومي للناس ولكن حدث ظروف أبعدتني عن المنتدى ، وحين عدت فوجئت به كما ترى ، وأنا أتمنى أن تضع يدك في يدي ويد الروح الهائمة لكي تعود إليه الروح مرة أخرى ولقد أرسلت للعديد من أعضائه رسائل خاصة ونسيت أنهم لا يدخلون لكن سأرسل لهم على إيميلاتهم وأرجو أن تعود الأسرة المهاجرة

الروح الهائمة
لم أعرف أن لديك هذه الموهبة الجميلة وأنا سعيد أن أخي عادل قد أخرج الموهبة الجميلة دي
وأسألك أين روميو ؟ لماذا لا يشارك معانا واللي مستني أبعتله إيميل
في إنتظارك يا روميــــــــــــــــــــــــــــــــــــــــــــــــــــــــــــــــــو

من طرف عادل عوض سند الأربعاء 10 يونيو 2009, 10:25 pm

الاستاذ الدكتور
بيومى الشيمى
ان شاء الله نصل لما نريد ويصبح هذا المنتدى من المنتديات النشطه
وبعدين انا شايفك بتسأل عن { روميو } بشغف
هو روميو ده بيضرب الناس ؟
طب انا عملت لك حاجه ؟
عموماّ انا قاعد .. قاعد

من طرف الروح الهائمة الخميس 11 يونيو 2009, 12:19 am

أهلا دكتور بيومى
يارب تفضل منور كده دايما
كل الشكر لك وللأستاذ عادل لمجاملتكوا الرقيقة لأنى مش شاعرة ولا حاجة أنا بس فعلا باعشق الشعر العربى واتذوقه منذ صغرى
وعلى فكرة روميو ان شاء الله هايبقى يدخل بس هو لسه مخلص امتحانات
وعلى فكرة التيرم الأول جاب جيد جدا
دعواتكوا
هههههههه ادينى لسه مريحة الحمامة أهوة
الروح الهائمة

من طرف عادل عوض سند الخميس 11 يونيو 2009, 1:40 am

السيده الفاضله
الروح الهائمه
انا استشفيت من الرد ان { روميو } اكيد ابن حضرتك
ربنا يخليهولك وتشوفيه اعظم الناس
والف مبروك للتقدير الهايل وعقبال الإمتياز
واشكرك بالنيابه عن الحمامه
ياه شفتى بمجرد ما ارتاحت ساعه زادت النص

حبيبي عادل
والله ليك وحشة ... تصور إنك وحشتني جامد
وانت جيت المنتدى خليته بسم الله ما شاء الله حتى الدكتور بيومي ابتدا ييجي أيضا
ادخل يا عم عادل على شعر الفصحى تلاقي قصيدة بتعة العبد لله ياريت ماتفوتش عليك كده بالساهل
في انتظار مرورك على القصيدة ويمكن تلاقي لتنين

الغالية أبدا الروح الهائمة
والله وحشني كتاباتك وشغلك الجميل وتعليقاتك الهائلة
استمري وطبعا هاكون في المنتدى مرة أخرى وبصورة أكبر
وأييكم في يدي والله المستعان

الإبن الغالي روميو
ألف مبروك على النتيجة الجميلة بتاعة التيرم الأول
وعقبال ما نعرف نتيجة السنة كلها بنفس التقدير
ألف ألف مبروك
وعقبال البكالوريوس

إشهد يانيل

إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل

رد: إشهد يانيل