بندور(للشاعر عبد الرحمن الابنودى)

بنلف دواير .. و الدنيا تلف بينا
دايما ننتهي .. لمطرح مإبتدينا
طيور الفجر تايهه .. في عتمة المدينة بتدور

************************
ما بنكتبش الرسائل .. ما بننتظرش رد
لاحد في يوم سمعنا .. ولا بنسمع حد
طيور العمر تايهة .. في عتمة المدينة بتدور

*************************
ساكنين في عالم يعشق الخطر .. فيه الطيور تهرب من الشجر
وتهرب النجوم من القمر .. وتهرب الوجوه من الصور
بنلف في دواير بندور على الأمان .. و نلاقينا رجعنا تاني لنفس المكان

ندور .. ندور .. ندور

**********************
نحلم و نحلم بالحياه المفرحه .. و أتاري أحلامنا بلا أجنحه
ندور ندور ندور .. بجناح حزين مكسور
ساعات نشوف في العتمه .. و ساعات نتوه في النور
ساعات عيونا بالأسى تفرح .. و ساعات في ساعة الفرح ننوح

الروح الهائمة

أخى القبطان

اشكرك على مرورك وتعقيبك
واعتقد ان غالبية الشعب المصرى معجب بشعر الابنودى لانه يخرج من قلب وحياه كل مصرى بكل تاريخة وظروفه وافراحه واحزانه

الروح الهائمة

أهلا استاذ عادل
شكرا لمرورك وكلماتك الطيبة
فعلا الابنودى رمز وانا من عشاق شعره
اسعدنى تواجدك
لك كل الاحترام والتقدير
الروح الهائمة