كريمه الشيكولاته

من طرف chereen الأحد 06 يوليو 2008, 1:18 am

2كيلو لبن
سكر حسب الرغبه (يفضل سكر كتير)
3باكو كريمه شيكولاته
3ملعقه كبيره كاكاو خام
1/8 كيلو شيكولاته خام
5أو 6 باكو بسكويت لوكس

* يضاف الكاكاو والكريمه ل 2 كوب لبن بارد مع التقليب حتى يتجانس الخليط مع بعضه

* يتم وضع باقى اللبن والشيكولاته الخام والسكر على النار إلى أن يغلى اللبن وبعد غليانه يتم إضافه الخليط السابق والتقليب المستمر

* يتم وضع قليل من الكريمه فى طبق التقديم ثم وضع بسكويته واحده تم غضافه قليل من الكريمه ثم بسكويته تانيه(يعنى كل طبق فيه 3 بسكويت) ثم يتم ملئ الطبق بالكريمه

* وتكرر نفس الطريقه مع باقى الاطباق ثم توضع فى الثلاجة لمده 4 ساعات ولا تؤكل وإلا وهى بارده

* كريمه جميله اوى موش هتقدروا تقاوموها أبداً
وبالهنا والشفا

من طرف فايزة شرف الأحد 06 يوليو 2008, 9:45 pm

عيني عليك يا شيري .. وعلى كريمة الشيكولاتة .. ممكن حتة .. ولا هاتي الطبق كله .. لأني باحب المثلجات موووووووووووووت .

من طرف chereen الإثنين 07 يوليو 2008, 12:04 am

بسرعه يا فيفى جرى عالمطبخ واعمليها
هتعجبك اوى
لو كنا جنب بعض كنت زرتك ومعايا كريمه الشيكولاته
وانا وانتى ناكلها كلها وما نأكلش حد معانا

وبالهنا والشفا

من طرف فايزة شرف الإثنين 07 يوليو 2008, 12:30 am

فيكي الخير يا شيري .. بس أنا خايفة من نفسي .. أكلها لوحدي هممممممممممممممم .. وأنت تأخذي ركن وتبكي علي الشيكولا ..

بس ضميري سوف يؤنبني عليكي .. لكن بعد ما تتهضم

وعلشان أصالحك خدي باقة الورد دي

من طرف chereen الثلاثاء 08 يوليو 2008, 12:27 am

هتكلى 12 طبق لوحدك
ربنا يستر

وخلاص اتصالحنا وقبلت بوكيه الورد منك

من طرف chereen الثلاثاء 08 يوليو 2008, 12:45 am

ربنا يسامحك يا بابا
لن أنسى لك هذا الموقف أبداً

بصي لونها يا فايزة في الصورة اللي حطاها فوق
أصل شيرين أكيد شاطرة في صنع الملوخية بالجاتوه

انا بصيت في لونها يابابا لقيتها بنى موش اخضر يعنى موش ملوخيه
وخلاص موش هتاكل معانا كريمه انا وفايزه هناكلها لوحدنا

وعلشان متزعلش يا بابا
هعزمك على شاى

بس من غير كريمة الشيكولاته بتاعتى

والله أنا خايف ساعة ما تيجي تاكليها يافايزة
ترميها من أقرب شباك والا بلكونة جنبك
بصي لونها يا فايزة في الصورة اللي حطاها فوق
أصل شيرين أكيد شاطرة في صنع الملوخية بالجاتوه

على فكرة يا شيرين يا حبيبة قلبي أنا أمزح معاك
إوعي تصدقي إني باتكلم جد
وهاكل من كريمة الشيكولاتة وانت اللي هاتجيبيها لي بنفسك
بابا بيومي

من طرف فايزة شرف الأربعاء 09 يوليو 2008, 12:58 am

أنا واثقة في طبق الشكيولاتة يا شيري .. ثم أن الدكتور بيومي واخد موقف من خوفه عندما نأكل المثلجات يحدث لنا انتعاش ونبدأ نأخذ طاقة ونحرر النساء من نير العبودية .. وبدل ما نذهب للكاهن ..قصدي قاضي محكمة العدل الدولية ببلاصي كاني وبلاصي ماني .. نأخذ قوالب الشكولاتة .. وبكده نضمن النظر في قضيتنا بعين الاعتبار .

فايزة
ما زالت الحرب الشعواء التي بدأتها أنت وحزبك النسائي مشعللة
حيث كنتن منكمشين يظهر كنتن بتحضروا لخطة هجومية جديدة
علشان تقدروا تتغلبوا علينا
لكن أعتقد أنكن سترجعن بخفي حنين
وبعدين مين قال لك إني خايف من ان يحدث انتعاش
وتاخدوا طاقة وتتحرروا من نير العبودية
هو انتم في عبودية
أنا باعترف وأقول أنكن فوق العبودية والسيادة
لأنكن الملكات على عرش الدنيا
وليس الأن بل من فجر التاريخ
وساعات الراجل اللي بيشم نفسه شوية

ومش عارف هو قاضي المحكمة راجل ؟
وبما أنه راجل وها يقف معكم فهذا يؤكد وجهة نظري أنكن تدبرن مؤامرة
لوضع الرجل في أدنى مستوى ممكن

من طرف chereen الأحد 13 يوليو 2008, 1:47 am

دى لسه الحرب هتشتعل اكتر واكتر
انا قولت يابابا لما تشوف كريمة الشيكولاته هتعملى قسم لوحدى تسميه
"مع مطبخ شيرين"

تكون النتيجه................تقول جاتوه بالملوخيه على كريمة الشيكولاته

احذر يابابا النساء قادمات

من طرف chereen الأحد 13 يوليو 2008, 1:51 am

ميرسى يا فيفى على ثقتك الغاليه
وروحى اشتكى للكاهن والقاضى
واعملى حرب شعواء عليهم وانا معاكى

الغالية فايزة
أين أنت ؟
الحبيبة شيرين
أنا موافق على مطبخ شيرين
من غير خوف من الحزب النسائي

من طرف الروح الهائمة الأحد 13 يوليو 2008, 9:50 pm

تسلم ايدك ياشيرى
الطبق شكله يجنن
واكيد طعمه اجمل
وانا اموت فى الحلويات

على فكرة ياشيرى
مش لاقية كلمة اعبرلك بها عن شكرى لك على سؤالك المستمر عليا
الروح الهائمة

من طرف chereen الإثنين 14 يوليو 2008, 1:42 am

حبيبتى
أجمل روح فى الدنيا كلها نورتى كل المنتدى
وماتغبيش كدا تانى
موش احنا اتفقنا ما تشكرنيش تانى والا

انتى قولتى هتعملى بكره على الغدا كبده اسكندرانى
واعمللهم الحلو الكريمه دى هتعجبك اوى............
وهتعجب دينا كمان